Իսրայելը որոշել է հետաձգել Արեւմտյան ափի անեքսիան: Այս մասին հայտարարել է Իսրայելի արտաքին գործերի նախարար Հաբի Աշքենազին Kan ռադիոյին տված հարցազրույցում:
«Դա օրակարգում չէ այսօր կամ վաղը: Ես չգիտեմ, թե արդյոք կկիրառվի սուվերենությունը, սակայն կարող եմ ասել, որ ԱԳՆ-ն դիվանագիտական գնահատականներ է պատրաստում, իսկ ՊՆ-ն գնահատում է անվտանգության ոլորտում ռիսկերը»,-ասել է նա, հաղորդում է ՌԻԱ Նովոստին:
Նա նաեւ հայտնել է, որ Իսրայելի ծրագրերը քննարկել է ավելի քան 30 ԱԳ նախարարների հետ, հիմնականում՝ Եվրամիության երկրներից: Նրա խոսքով՝ նրանցից շատերը դեմ են Իսրայելի ծրագրերին:
Ավելի վաղ Իսրայելի վարչապետ Բենյամին Նեթանյահուն հայտարարել է, որ Հորդանան գետի Արեւմտյան ափի հատվածում Իսրայելի սուվերենության տարածումը տեղի կունենա հուլիսին, եւ այդ ամսաթիվը չի փոփոխվի:
