News
Լրահոս
News
Շաբաթ
Հուլիս 24
Տեսնել լրահոսը

Հուլիսի 1-ից ամբողջ հանրապետությունում ուժի մեջ է մտել պարտադիր սպանդանոցային մորթի կազմակերպման կառավարության որոշումը: Ինչպես հայտնի է, նախապես սահմանված ժամկետը տարեսկզբին հետաձգվել էր հանրապետությունում, այդ թվում և Լոռու մարզում, բավարար թվով սպանդանոցների առկայությունն ապահովելու նպատակով: Այս ընթացքում մի շարք ծրագրերով ՀՀ կառավարությունն աջակցել է սպանդանոցների կառուցման գործին:

Հուլիսի 6-ին մարզպետ Անդրեյ Ղուկասյանն  ընդունեց մարզում սպանդանոցային ծառայություններ մատուցող ընկերությունների ներկայացուցիչներին՝ գործընթացի իրականացման ուղղությամբ տարվող աշխատանքներին ծանոթանալու, ինչպես նաև առկա խնդիրների քննարկման նպատակով:

Ներկա պահին, ինչպես ներկայացվեց մարզի ղեկավարին, Լոռու մարզում սպանդանոցային ծառայություններ մատուցող ընկերություններ են հանդիսանում Օձունի «Խասիկ Տիտանյան», Դարպասի «Միտք-Կ», Քարաձորի «Հակոբ Կարապետյան», Տաշիրի «Բոզոյան» և Մեդովկա բնակավայրի «Սամվել Ավետիսյան» ընկերությունները, որոնցից ներկայում կենդանի է մթերում միայն «Միտք-Կ», թեև մյուսները ևս լիարժեքորեն պատրաստ են՝ զինված բոլոր անհրաժեշտ տեխնիկական միջոցներով:

Նրանք մարզի ղեկավարին խնդրեցին հետևողական լինել վաճառվող մսամթերքի նկատմամբ վերահսկողության խստացման հարցում, որպեսզի գործընթացը հնարավոր լինի կազմակերպել պատշաճ կարգով:

-Գնալու ենք միայն այս ուղղությամբ և անելու ենք ամեն ինչ շուկան կայացնելու նպատակով,-ասաց մարզի ղեկավարը՝ վստահեցնեով, որ առաջիկա մի քանի օրերի ընթացքում խնդիրն ամբողջությամբ կկարգավորվի:

Ինչպես տեղեկացվեց, մարզում, ընթացքի մեջ է ևս 5 սպանդանոցի կառուցում՝ Գյուլագարակ, Քարաձոր, Սարահարթ համայնքներում, Թումանյան համայնքի Լորուտ ու Սարչապետ համայնքի Պրիվոլնոյե բնակավայրերում, ինչի արդյունքում ոչ միայն ամբողջությամբ կբավարարվի մարզի պահանջարկը, այլև առողջ մրցակցային դաշտ կապահովվի:

Քննարկվեցին ընթացիկ մի շարք այլ հարցեր ևս:

Տպել
Կարդացեք նաև
Ամբողջը
Հայաստանում հացի մանրածախ գնի «նորմալ» ձեւավորմանը հավատալը միամտության գագաթնակետն է (Գրաֆիկ)
Միեւնույն ժամանակ, անցած տարի դեկտեմբերը նշանավորվեց հացի մանրածախ գնի կտրուկ աճով՝ տարեկան կտրվածքով 7,3 տոկոս...
Նիկոլ Փաշինյանի գլխավորությամբ քննարկվել է գյուղատնտեսության ոլորտի զարգացմանն ուղղված ծրագրերի ընթացքը
Անդրադարձ է կատարվել նաև աշնանացան ցորենի, գարնանացան մշակաբույսերի արտադրության խթանմանն ուղղված ծրագրերի ընթացքին…
Դոլարի փոխարժեքը նվազեց 484 դրամից. Եվրոն էժանացել է եւս 2,5 դրամով
Թանկարժեք մետաղների համար բանկի կողմից սահմանվել են հետևյալ գները...
Այսօր հանդիպել եմ list.am-ի, crowdstar-ի ու epic!-ի հիմնադիր ու իմ հին ծանոթ Սուրեն Մարկոսյանին. Վահան Քերոբյան
Խոսել ենք իրար օգնելով Հայաստանի տնտեսությունն ու հատկապես, փոքր և միջին ընկերություններն առաջ մղելու մասին...
Մեկնարկել է եկամտային հարկից ուսման վարձի փոխհատուցման գործընթացը. ՊԵԿ
Եկամտային հարկի հաշվարկման և վճարման հաշվետու նույն ժամանակաշրջանում ուսման վարձի փոխհատուցման և ՀՀ հարկային օրենսգրքի 160-րդ հոդվածով...
Սարքավորումները ժանգոտված են, պանրի ավազանները պատված են բորբոսով. ՍԱՏՄ-ն կասեցրել է ընկերության արտադրությունը
Ստուգման ընթացքում պարզվել է, որ կաթնամթերքի արտադրամասի սարքավորումները ժանգոտված են, պանրի...
Ամենաշատ