Ինչ հիմնական փոփոխություններ են ներկայացված հանրակրթության պետական չափորոշչի նախագծում, որոնք մեծ դերակատարում կունենան ամբողջ համակարգի վրա:
Չափորոշիչն իր սկզբունքում դրել է չափորոշիչի հիման վրա դրված կարողունակությունը, որոնց պետք է ձգտի համահարգը: Կարողունակություններին հասնելու համար նկարագրված են չափորոշիչների մեջ վերջնարդյունքները: Այս մասին այսօր՝ հուլիսի 6-ին Մեդիակենտրոնի» տեսակապի «Հանրակրթության չափորոշիչներ․ որտե՞ղ է մանիպուլյացիան, որտեղ իրականությունը» թեմայով քննարկման ժամանակ ասաց Հանրակրթության պետական չափորոշչի մշակման խմբի անդամ Արտաշես Թորոսյանը՝ խոսելով ԿԳՄՍ-ի մշակած ու հանրային քննարկման ներկայացրած հանրակրթության պետական չափորոշչի նախագիծի մասին՝ ըստ որի փոփոխություններ կկատարվեն հանրակրթության պետական չափորոշչի ձեւավորման եւ հաստատման կարգում։
«Նկարագրված եմ այն բնագավառները, որոնց միջոցով պետք է իրականացվեն այդ վերջնարդյունքները եւ որպես դրա արդյունք գնահատման համակարգը, որոշակի էական փոփոխություն է կատարել ուսումնական պլանի ձեւավոեւման մասով, որտեղ դպրոցներն ստացել են մեծ ինքնուրույնություն:
Ըստ փորձագետի՝ գնահատման համակարգում էական փոփոխությունը կայանում է նրանում, որ տարրական դպրոցում եւ 5-րդ դասարանի առաջին կիսամյակում թվանշանայն գնահատում չկա, բայց դա չի նշանակում, որ գնահատում չկա ընդհանրապես: Այն արդեն դառնում է որակական: Սակայն այդ ազատությունը տրվում է դպրոցին ինքնուրույն կողմնորոշվելու, այսինքն նա է որոշում՝ ինչպես անել տվյալ պարագայում եւ եթե գտնում է, որ կա դրա կարիքը, կիրառում է նաեւ թվանշանային գնահատման եղանակը:
«Ուզում եմ ընդգծել, որ չափորոշիչներով էական տեղ է գրավում ուսուցանող կամ ֆորմատիվ գնահատմանը, որը շատ ավելի լավ է ներկայացնում աշակերտի հաջողությունները:
Մյուս առանձնահատկությունը գնահատման այն է, որ մենք չունենք արդեն անբավարար գնահատական, այսինքն նշված գնահատականը՝ որակական թե քանակական ձեւով արտահայտվող, ներկայացնում է աշակերտի հաջողությունները տվյալ փուլում, որը չի դրսեւորվում որպես անբավարար այլ դրսեւորվում է որպես այս պահի իր ունեցած հնարավորություն»,- ասում է փորձագետը:
Ինչ վերաբերում է առարկաների ձեւավորմանը նա նշում է, որ կան մեծ թվով ինտեգրված առարկաներ՝ մինչեւ 7-րդ դասարան:
Դրանից հետո բոլոր առարկաները, հատկապես գիտութունների մասով, առանձնանում են եւ ուսումնասիրվում առանձին-աձանձին:
Ավագ դպրոցների մասով եւս բավական լուրջ փոփոխություններ կան չափոոշիչներում:
Այնտեղ ուսուցումը սահմանափակվում է այն առարկաներով, որով աշակերտներն հանձնելու են պետական ավարտական քննությունները:
