News
Լրահոս
News
Շաբաթ
Օգոստոս 08
USD
485
EUR
573.17
RUB
6.58
ME-USD
0.02
Տեսնել լրահոսը

Սպիտակ տան մամուլի  խոսնակ Քեյլի Մըքէնանի հայտարարությունը, թե ԱՄՆ-ում վանդալիզմի զոհ է դարձել  նաեւ Հայոց ցեղասպանության հուշարձանը, լայն արձագանքների առարկա է դարձել ինչպես Հայաստանում, այնպես էլ ամերիկյան մամուլում։ NEWS.am-ի հետ զրույցում միջազգայնագետ, Ամերիկյան հետազոտությունների հայկական կենտրոնի ղեկավար Սուրեն Սարգսյանը տեղի ունեցածը բացառիկ երեւույթ համարեց։

«Հատկանշական է, որ նա չխուսափեց Ցեղասպանություն եզրույթից, այսինքն, օրինակ,  չասաց՝ հուշարձան, որը նվիրաբերված է հայերի մասսայական կոտորածին։ Տվեց այն ձեւակերպումը, որը հնչեցրեց խոսքում։ Այս երեւույթի բացառիկությունն այն է, որ Սպիտակ տան որեւէ բարձրաստիճան պաշտոնյա, մանավանդ՝ մամուլի խոսնակը երբեք այս տերմինը չի օգտագործել, ընդհակառակը՝ փորձել են խուսափել այս տերմինից, նույնիսկ այն ժամանակ, երբ խոսել են ԱՄՆ-ի Կոնգրեսի ներկայացուցիչների պալատի  կողմից ընդունված  Հայոց ցեղասպանության վերաբերյալ բանաձեւերի մասին։ Դրա համար էլ որոշակի զարմանք է հարուցել նման հայտարարությունը ոչ միայն հայերիս մոտ, այլեւ ամերիկյան մամուլում։ Բավականին առաջատար ԶԼՄ-ներ, այդ թվում՝  The Washington Post-ը, Business Insider-ը սրա մասին խոսեցին, եւ նաեւ ինչ-որ առումով քննադատեցին Թրամփի վարչակազմին ցեղասպանթյուն եզրույթը չօգտագործելու համար»,- ընդգծեց նա։

Սուրեն Սարգսյանը այն կարծիքին չէ, որ Սպիտակ տակ խոսնակը միտումնավոր է այդ բառակապակցությունը օգտագործել։

«Բայց այստեղ մի կարեւոր բան կա, որ կարծես թե Թուրքիայի կողմից որեւէ հայտարարություն արված չէ։ Սա ինչ-որ առումով ռուսերեն ասած՝ «пробный шар» էր, հասկանալու համար, թե ինչ հնարավոր զարգացումներ կարող  են լինել նման հայտարարությունից հետո։ Գոնե մեզ համար սա փորձնական գնդակ էր»,- ասաց նա։

Միջազգայնագետի դիտարկմամբ՝ այս հայտարարությունը  հայկական կողմից պաշտոնապես պիտի  արձագանք ստանա։

«Արտաքին գործերի նախարարությունը պետք է շնորհակալություն հայտնի պատմական իրադարձությունները ճիշտ գնահատելու համար։ Սա  շատ ադեկվատ կլիներ, մանավանդ, որ ԱՄՆ-ի մեր համայնքում որոշակի ոգեւորություն կար սրա հետ կապված։ Բնականաբար մեր լոբբիստները  սա փորձելու են օգտագործել եւ ինչ-որ օգուտներ քաղել»,- նկատեց նա։

Նշենք, որ  հուլիսի 6-ին իր ամենօրյա ճեպազրույցում, Սպիտակ տան խոսնակն   անդրադառնալով երկրում ցուցարարների կողմից հուշարձանների ոչնչացման հետեւանքների մասին, ասել է, որ Հայոց ցեղասպանության հուշահամալիրը վանդալիզմի զոհ է դարձել:

«Թվում է, որ հասկանալու եւ պատմական գիտելիքների պակաս կա, երբ Հայոց ցեղասպանության զոհերի հուշահամալիրը, որը հիշատակում է մարդկության դեմ կատարված բոլոր հանցագործությունների, այդ թվում ստրկության զոհերին, վանդալիզմի է ենթարկվել», - ասել է խոսնակը։

Սպիտակ Տան մամուլի խոսնակը արտաբերել է Հայոց Ցեղասպանություն եզրը

Տպել
Կարդացեք նաև
Ամբողջը
Ուկրաինայում քրեական գործեր է հարուցվել ԱԳՆ պաշտոնյայի` Հայոց ցեղասպանությունը չհիշատակելու կոչով նամակի կապակցությամբ
Դիվանագետն ուկրաինացի պաշտոնյաներին խնդրել էր զերծ մնալ Հայոց ցեղասպանության 105-րդ տարելիցի կապակցությամբ հիշատակի միջոցառումներին մասնակցությունից եւ այդ եզրույթի օգտագործումից...
Թուրք պրոֆեսորը ներկայացրել է Ցեղասպանությունից հետո Հալեպում պատսպարված հայերի պատմություններով իր գիրքը
Թուրք պրոֆեսոր Այհան Աքթարը 1915–ը թե բռնագաղթ թե Ցեղասպանություն է համարում...
Նուրհան Սոյկանի նշանակումը սադրանք է իրավական պետության նկատմամբ եւ պետք է չեղարկվի. Գերմանացի պատգամավոր
Հայոց ցեղասպանության վերաբերյալ Բունդեսթագի բանաձեւը քննադատած Նուրհան Սոյկանի նշանակման վերաբերյալ…
Ուղիղ 37 տարի առաջ 5 հայ երիտասարդներ մտան Լիսաբոնի թուրքական դեսպանատուն. Գործողությունից հետո նրանք պայթեցրին իրենց
Ամեն տարի այս օրը՝ Հայաստանում եւ աշխարհի տարբեր երկրներում բնակվող տասնյակ հազարավոր հայեր ոգեկոչում են զոհված տղաների հիշատակը…
Լիբանանից լրագրող Նշան Դեր-Հարությունյանը կկանգնի դատարանի առաջ Թուրքիայի նախագահին «վիրավորելու» համար․ ԶԼՄ-ներ
Ավելի ուշ իրավիճակին միջամտել է Թուրքիայի դեսպանատունը, որը կազմակերպել է բողոքի ցույց Al Jadeed հեռուստաալիքի շենքի մոտ․․․
«Վերջին հայկական գյուղը» Թուրքիայում արտացոլում է ցեղասպանությունից հետո պահպանած ժառանգությունը․ The Guardian
Վաղուց հասունացել է պահը, երբ Թուրքիան պետք է հատուցի անցյալի համար․ կառավարությունը դեռեւս հրաժարվում է խոստովանել 1915 թվականի իրադարձությունները որպես ցեղասպանություն, որի ժամանակ սպանվել է 1.5 միլիոն հայ․․․