News
Լրահոս
News
Չորեքշաբթի
Մայիս 12
USD
522.1
EUR
635.08
RUB
7.06
ME-USD
0
Տեսնել լրահոսը

Rolls-Royce ընկերությունը թողարկել է Wraith կուպեի նոր բացառիկ տարբերակը, որի դիզայնի մեջ ապագա սեփականատիրոջ համար գաղտնի ուղերձ է թաքցրել: Թե ինչ է հաղորդագրության մեջ, հայտնի է միայն երկու հոգու` դիզայներ Քեթրին Լեմանին եւ բրիտանական ապրանքանիշի գործադիր տնօրեն Թորսթեն Մյուլլեր-Օթվոսին, գրում է Motor-ը:

Wraith Kryptos-ի կոլեկցիոն թողարկումը կազմված է 50 ավտոմեքենաներից, որոնք բացառիկ Delphic Grey գույնի են: Դրա առանձնահատկությունն անտրացիտային բազային շերտն է, որը լրանում է միայն արեւի տակ երեւացող կապույտ եւ կանաչ փայլարային երանգներով:

Շեշտադրված coachline գիծը կրկնակի է՝ վերին մասը պատրաստված է նոր Kryptos Green գույնով, ստորին մասը՝ մուգ մոխրագույն է՝ Dark Grey: Wraith Kryptos-ի արտաքինը լրացնում են Orbit Grey փայլեցված անիվները, կենտրոնում կանաչ շրջանագծով:

Ծածկագրեր կան ամբողջ մեքենայի մեջ, եւ առաջինը «Էքստազի ոգի» արձանիկի հիմքում է: Կոդն իրենից ներկայացնում է փորագրված կետեր ու գծեր, որոնք մասամբ ծածկված են կանաչ էմալով, որոնք առաջին հայացքից կարծես սովորական դեկորատիվ տարրեր լինեն:

Հաջորդ կոդավորումը դռան շեմերի վրա է, իսկ եւս մեկը՝ նստարանների գլխատեղին, որտեղ նա փոխել է ֆիրմային RR գրառումը: Առաստաղին օպտամանրաթելային լուսադիոդների օգնությամբ պատկերված է նախշ, որը տվյալների հոսքի տպավորություն է թողնում, այս հնարքը օգտագործվել է նաեւ դռների դեկորում։

Ինչ վերաբերում է տեխնիկային, Wraith Kryptos-ի համար ոչ մի փոփոխություն նախատեսված չէ: Կուպեն նախկինի պես հագեցած է 6,6 լիտրանոց V12 երկտուրբո շարժիչով, որի վերադարձը կազմում է 632 ձիաուժ եւ 870 Նմ: Սարքը համադրված է ութ միջակայքով «ավտոմատ»-ի հետ:

Մինչեւ 100կմ/ժ արագությունը մեքենան զարգացնում է 4,5 վայրկյանում: Առավելագույն արագությունը ժամում 250 կմ է:

Ըստ Ռոլս-Ռոյսի՝ «ուղերձի գաղտնազերծումը օբյեկտի իրական իմաստը հասկանալու բանալին է, որը հակառակ դեպքում կընկալվեր միայն որպես արվեստի առարկա»: Պատասխանների տարբերակները կարելի է ուղարկել Whispers ֆիրմային բջջային հավելվածի միջոցով, որից կարող են օգտվել միայն Rolls-Royce-ի սեփականատերերը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Tesla-ն արդեն վաճառել է եռամսյակային ամբողջ պաշարը
Ինչպես հաղորդում է ընկերության տեղեկացված աղբյուրը, Tesla-ն արդեն վաճառել է 2021 թվականի ավտոմեքենաների ամբողջ պաշարը դրա ավարտից երկու ամիս առաջ...
«Բուխանկան» կտեղափոխվի Isuzu-ի հարթակ
Այս մոդելը բացառիկ կլինի իր ամբողջովին թափանցիկ թափքով․․․
Land Cruiser-ը կարող է լրիվ էլեկտրական դառնալ
Toyota ընկերությունը չի բացահայտում ո՛չ տեխնիկական բնութագրիչները, ո՛չ այդպիսի մոդելի գինը...
Գերմանացի ինժեներները ներկայացրել են խնդրահարույց մեքենաների հակավարկանիշը
Ամենախնդրահարույց մեքենան Kia Ceed-ն է․․․
Ford-ը նոր Timberline Explorer ամենագնացը լավագույն ընտանեկան մեքենա է ճանաչել
Առջեւում ամերիկյան մոդելն ունի նոր լուսադիոդային հակամառախուղային լուսարձակներ, ռադիատորի մուգ մոխրագույն վանդակաճաղ եւ խորապես արդիականացված բամպեր․․․
Honda-ն ներկայացնում է իր նոր 7-տեղանոց քրոսովերի հայեցակարգային ավտոմեքենան
Մոդ․․․ելը գնման համար կառաջարկվի 6 կամ 7-տեղանոց սրահով․․․
Ամենաշատ