News
Լրահոս
News
Երկուշաբթի
Օգոստոս 03
USD
485.33
EUR
575.46
RUB
6.57
ME-USD
0.02
Տեսնել լրահոսը

Նազելի Բուռնազյանը, որի մայրը մահացել է կորոնավիրուսից Նորք-Մարաշի ինֆեկցիոն հիվանդանոցում, Tert.am-ին ահազանգել է, որ հիվանդանոցում մայրիկի մատանին են գողացել:

«Մայրիկին հունիսի 4-ին շտապօգնության մեքենայով տարել են Նորք-Մարաշի ինֆեկցիոն հիվանդանոց, նրա մոտ հայտնաբերվել էր երկկողմանի թոքաբորբ, նա մահացել է հունիսի 5-ի լուսադեմին: Այդ ընթացքում, ճիշտ է, իրեն թույլ էր զգում, բայց անընդհատ կապի մեջ էինք, ինչքան հնարավոր էր հեռախոսով խոսել ենք կամ հաղորդագրություններ ուղարկել: Ասում էր՝ բժիշկներն ասում են, որ վիճակը դեպի լավն է գնում: Հետո զանգում էի՝ տեսնեմ ինպես է, չէր պատասխանում: Առավոտյան զանգեցի հիվանդանոց, մայրիկիս տվյալները նշեցի, ասացին՝ մայրս մահացել է»,- պատմել է նա:

Դստերն ասել են, որ գիշերը կտրուկ վիճակը վատացել է ու մահացել․

«Ճիշտն ասած՝ չեմ էլ հավատում, որ մայրս կորոնավիրուսից է մահացել, որովհետև մենք նրա հետ առնչվել ենք ու վարակակիր չենք։ Անգամ գնացինք բժշկի, ստուգվեցինք, մեզ մոտ ամեն ինչ լավ է:  Մենք առողջական ոչ մի խնդիր չունենք: Անցած տարի էլ է մայրս թոքաբորբով հիվանդացել»,- ասել է Նազելի Բուռնազյանը:

Նազելի Բուռնազյանը նաեւ հավելել է, որ մայրը հիվանդանոց գնալիս կրել է ականջօղեր և ամուսնական մատանի․

«Երբ իմացանք մահացել է՝ գնացինք հիվանդանոց, երբ վերակենդանացման բաժնի աշխատողն իրերը բերեց, պայուսակում ամեն բան տեղում էր դրամապանակը, հեռախոսը, այն՝ ինչ հետը տարել էր հիվանդանոց, բացի ականջօղերից ու մատանուց: Ես չհավատացի, որ մայրս է մահացել, պահանջեցի դիահերձարանում տեսնել: Գնացի դիահերձարան, այնտեղի աշխատողն ինձ ականջօղերը վերադարձրեց, խնդրեցի մայրիկիս ձեռքերը բարձրացնի, նայեցի մատանին չկար մատին: Փաստորեն, որ հիվանդանոցում մահացել է, այնտեղ էլ գողությունը կատարվել է, և տեղափոխել են կորոնավիրուսի հետևանքով մահացածների դիահերձարան»:

Ըստ նրա՝ դրանից հետո գնացել է հիվանդանոց, պահանջել, որ տեսախցիկներով գտնեն ով է գողացել մատանին, սակայն այնտեղ ասել են, որ 5 օրվա տվյալներն են միայն պահվում, հիշողությունը թույլ է․ «Ինձ ասացին՝ գնամ հարցնեմ շտապօգնության  այն աշխատակցիներին, որոնք տեղափոխել են մայրիկիս դին: Կոպիտ ասած՝ մեկը մյուսի վրա է գցում: Շտապօգնությունից ինձ ասացին, որ հաստատ իրենց աշխատակիցները չէին կարող գողանալ, քանի որ դիակը հիվանդանոցում հերմետիկ փաթեթավորել են: Ես համոզված եմ, որ հիվանդանոցում են գողացել, տարբեր տեղեր եմ դիմել, դեռ արձագանք չկա»:

Նազելի Բուռնազյանը ոստիկանություն էլ է դիմել․ «Ես անընդհատ զանգահարում եմ, փորձում եմ գնալ ոստիկանություն էլ, բայց իրենք ասում են՝ չէ մի մոտեցեք, մի շաբաթից Ձեզ կզանգահարենք, բայց մեկ շաբաթն արդեն դարձել է մի քանի շաբաթ ու ոչ մի արձագանք չկա»,- ասել է նա:

Տպել
Կարդացեք նաև
Ամբողջը
Հայտնի հնագետ Գրիգոր Արեշյանը մահացել է COVID 19-ից
Կորոնավիրուսից Երեւանում մահացել է Հայաստանի նախկին պետնախարար, անվանի հնագետ Գրիգոր Արեշյանը․․․
Կորոնավիրուսի նոր դեպքեր Վրաստանում
«Երկու նոր վարակվածներից մեկը մեկի շփումը հաստատված աղբյուրի հետ էր, երկրորդ հիվանդի դեպքում վարակման աղբյուրի եւ շփումների մասին տեղեկատվությունը պարզվում է․․․
Ռուսաստանում կորոնավիրուսով վարակման 5394 նոր դեպք է հայտնաբերվել
Վարակվածների ընդհանուր թիվը հասնում է 856 264-ի, մահացել է 14 207 մարդ, ապաքինվել՝ 653 593-ը...
Աշխարհի ամենահարուստ երկրները զանգվածաբար գնում են COVID-19-ի դեմ պատվաստանյութը․ ԶԼՄ-ներ
Փորձագետները մտավախություն ունեն, որ այդ «ագրեսիվ գնումը» կվտանգի այլ երկրներին, որոնք կարող են վերջինը լինել պատվաստանյութի ձեռքբերման հերթում․․․
Արցախում հաստատվել է կորոնավիրուսի 4 նոր դեպք. 12 քաղաքացի ապաքինվել է
Առայսօր, COVID-19-ը ախտորոշվել է 243 մարդու մոտ, որից 179-ը հաղթահարել է հիվանդությունը…
Երբ հպարտ քաղաքացուն դնչկալ չկրելու համար տուգանում են լողափում, սա է պետականության կործանումը. Գեւորգ Պետրոսյան
Սպառված պետականության ապացույցը ոչ հակառակորդի կրակոցներն են, ոչ էլ արտաքին աշխարհից եկող սպառնալիքներն ու մեղադրանքները...
Ամենաշատ