News
Լրահոս
News
Երկուշաբթի
Մայիս 17
USD
522.48
EUR
632.67
RUB
7.06
ME-USD
0
Տեսնել լրահոսը

Ադրբեջանցիներն հայերի անձնագրերի մեծ քանակի լուսանկարներ են հրապարակել, որը ենթադրվում է, որ վարկային կազմակերպության են ուղարկել։ Այս մասին այսօր՝ հուլիսի 8-ին, NEWS.am-ի հետ զրույցում ասաց մեդիափորձագետ Սամվել Մարտիրոսյանը։

«Ադրբեջանական մի հաքերային էջ, որը վաղուց է մեզ ծանոթ, վերջին մեկ ամսում ակտիվացել է։ Կորոնավիրուսային հիվանդների տվյալներ էին հրապարակել: Այդ թիմը հիմա անձնագրերի մեծ քանակի լուսանկարներ է հրապարակել, որը, ենթադրում եմ, ինչ-որ վարկային կազմակերպության են ուղարկել: Հետո սկսեցին բանակից փաստաթղթեր  նկարել ուղարկել, որտեղ երեւում  է, որ ձեռքով պահած նկարած է»,-- ասաց  Սամվել Մարտիրոսյանը։

Մեդիափորձագետը նշեց, որ ամենայն հավանականությամբ, բոլոր արտահոսքները անձնական էլեկտրոնային հասցեներից է ուղարկված. «Այսինքն մարդիկ ուղղակի պատշաճ ձեւով  ինֆորմացիան չեն պահում, մեկը մյուսին են ուղարկում: Սա նշանակում է որ ինֆորմացիայի անկազմակերպ փոխանակում է լինում»։

Հարցին՝ ի՞նչ պետք է անեն հայերը, որպեսզի նման արտահոսքեր չլինեն, Մարտիրոսյանն ասաց, որ պետք է  հստակ կանոնակարգ լինի, թե ինչպես է պետք ինֆորմացիա տարածել.

«Շատ հստակ  ու լուրջ պատիժներ  պետք է լինեն, քանի որ մարդկանց սրանով լուրջ վնասներ են պատճառվում: Կանոնակարգից հետո էլ պետք է  կրթել  մարդկանց, որոնք տեղեկատվության կրող են: Այսինքն՝ եթե համակարգված սա չարվի, այս արտահոսքերն անընդհատ լինելու են։ Այս հարցն ունի կանոնակարգված ընդհանուր լուծում: Ինֆորմացիայի տարբերությունը խոսում է այն մասին, որ  ում, ինչ, երբ, ինչպես  հարմար է  հասցնում ուղարկում են»:

Մարտիրոսյանը շեշտեց, որ արտահոսքերի նման վիճակը եղել է տարիներով. «Խնդիրն այն է, որ նրանք էլ են ակտիվացել: Եթե առաջ ուղղակի կոտրում էին էլեկտրոնային հասցեները, ցանկը տեղադրում էին համացանցում՝ թիթիզանալու համար, հիմա սկսել են այդ տեղեկությունները կարդալ, ուրախացել են, թե ինչ գանձեր կան մարդկանց  մեյլերում»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ժողովուրդ». Ադրբեջանը սկսել է ազդել ռուսների նյարդերի վրա. առիթից փորձում են օգտվել
Մեզ տեղեկացրին, որ հետաքրքիր մեսիջներ են գալիս նաև ռուսներից. այս հարցում նրանք հայկական կողմի տեսակետն են պաշտպանում...
Պետք է վերականգնել խաղաղ գործընթացը՝ ԼՂ հակամարտության վերջնական կարգավորմանը հասնելու նպատակով. Փաշինյանը՝ Լավրովին
Այս համատեքստում կցանկանայի գոհունակությամբ նշել ԵԱՀԿ Մինսկի խմբի համանախագահների գործողությունները, որի վերջին հայտարարությունը...
Փաշինյան. Ղարաբաղի հարցով բանակցային գործընթացի բովանդակությունը փոխվել էր դեռ նախորդ կառավարության օրոք
«Տարիներ կանցնեն, փաստաթղթերի բովանդակությունը կբացահայտվի, եւ մենք կիմանանք, որ բանակցային գործընթացի բովանդակությունը փոխվել էր 2015-ի աշնանը եւ 2016-ի ձմռանը...
«Կոլցո» գործողությունը դարձավ Ադրբեջանի ցեղասպան քաղաքականության հերթական դրսևորումը․ Արցախի ԱԳՆ հայտարարությունը
Առաջին անգամ քաղաքացիական բնակչության դեմ կիրառվեցին տանկեր, ռազմական ուղղաթիռներ և հրետանի. 30 տարի առաջ Ադրբեջանը նախաձեռնեց «Կոլցո» գործողությունը...
«Ժողովուրդ». Փակուղի՞ թե՞ նոր շունչ․ Տարասովը՝ Արցախի հիմնահարցի կարգավորման մասին
Սակայն նկատենք՝ Տարասովը կարծում է, թե այս պահին ամենաքիչն էր...
Արա Այվազյանը Ֆրանսիայի ԱԺ պատգամավորների հետ անդրադարձել է տարածաշրջանային անվտանգության եւ խաղաղության հարցերին
Արա Այվազյանը խորհրդարանականների ուշադրությունն է հրավիրել թուրք-ադրբեջանական ագրեսիայի հետեւանքով Արցախում ստեղծված հումանիտար իրադրության...
Ամենաշատ