News
Լրահոս
News
Չորեքշաբթի
Օգոստոս 12
USD
485.32
EUR
572.14
RUB
6.66
ME-USD
0.01
Տեսնել լրահոսը

Ապօրինի անտառահատումների եւ դրանց հետ կապված կոռուպցիոն հանցագործությունների դեմ իրավապահ մարմինների անզիջում եւ կոշտ պայքարը շարունակվում է։ Միայն ՀՀ գլխավոր դատախազության՝ ՀՀ հատուկ քննչական ծառայության մինչդատական վարույթի օրինականության նկատմամբ հսկողության վարչության դատախազների հսկողության ներքո տվյալ պահին քննվում է ապօրինի ծառահատումներին տարբեր կոռուպցիոն սխեմայով առնչվող Ոստիկանության ծառայողների վերաբերյալ 3 քրեական գործ։ Այս մասին հայտնում են ՀՀ դատախազությունից։

Նշված գործերից 2-ով որպես մեղադրյալ է ներգրավվել 4 անձ (որոնցից երկուսը՝ ոստիկանության ծառայող։ Եվս մեկ քրեական գործ՝ դատավարական հսկողություն իրականացնող դատախազի կողմից երեք անձի (ներառյալ ոստիկանության երկու պաշտոնատար անձի) վերաբերյալ մեղադրական եզրակացությամբ ուղարկվել է դատարան։

Մասնավորապես ՀՀ ԱԱԾ կողմից իրացված օպերատիվ տվյալների հիման վրա 2020թ․ ապրիլի 23-ին ՀՀ ոստիկանության քրեական ոստիկանության գլխավոր վարչությունում ՀՀ քրեական օրենսգրքի 296-րդ հոդվածի 3-րդ մասով, 308-րդ հոդվածի 2-րդ մասով, 314-րդ հոդվածով եւ 38-308-րդ հոդվածի 2-րդ մասով հարուցված եւ ՀՀ ՀՔԾ-ում քննված քրեական գործի նախաքննությամբ պարզվել է, որ ՀՀ ոստիկանության Լոռու մարզային վարչության Գուգարքի բաժնի պետի ծառայության գծով տեղակալ Հ․ Մ-ն եւ նույն բաժնի համայնքային ոստիկանության բաժանմունքի տեսուչ Ա․Չ․-ն, չարաշահելով իրենց պաշտոնեական լիազորությունները՝ դիմել են հակաօրինական գործողությունների՝ ապօրինի ծառահատման, փայտանյութի ապօրինի տեղափոխման դեպքի հանգամանքները խեղաթյուրելու, թաքցնելու եւ ենթադրյալ ապօրինի ծառահատում իրականացրած անձին քրեական պատասխանատվությունից ազատելու նպատակով։

Մասնավորապես՝ քաղաքացի Հ․ Մ․-ն, տեղեկանալով, որ 2019թ․ հոկտեմբերի 24-ին «Հայանտառ» ՊՈԱԿ-ի «Եղեգնուտի անտառտնտեսություն» մասնաճյուղի «Փամբակի» անտառպետության տարածքից ապօրինի հատված՝ առանց համապատասխան փաստաթղթերի իրեն պատկանող փայտանյութ տեղափոխելու դեպքի առթիվ նյութերը նախապատրաստվում են ոոստիկանության Գուգարքի բաժնում, իր մտերիմ՝ Գուգարքի բաժնի պետի ծառայության գծով տեղակալ Հ․ Մ-ին դրդել է իր օգտին կատարել գործողություններ։

Արդյունքում վերջինսեւ նույն բաժնի համայնքային ոստիկանության բաժանմունքի տեսուչ Ա․Չ․-ն, ում հանձնարարել էր նյութերի նախապատրաստումը, Կ․Հ․-ին առաջարկել են ծառերի ապօրինի հատում կատարելու իրական դեպքը չարձանագրելու համար անտառում հայտնաբերել «Կաղնի» եւ «Բոխի» տեսակի հատված ծառերի մեկական կոճղարմատներ՝ միայն դրանց ապօրինի հատումը նրան վերագրելու համար: Այնուհետեւ, քննարկել եւ որոշել են, թե ինչ բովանդակություն պետք է ունենա Կ․ Հ․-ի բացատրությունը՝ խեղաթյուրելով դեպքի իրական հանգամանքները եւ փոխելով նրանից վերցված բացատրության արձանագրության կազմման ամսաթիվը։

Ավելի ուշ պարզելով, որ այդ բացատրությամբ հայտնված տեղեկություններն ու տվյալները հակասում են փայտանյութով բեռնված ավտոմեքենայի վարորդի՝ ավելի վաղ ոստիկանության այլ բաժնում տրված բացատրությամբ ներկայացված տվյալներին՝ ոստիկանության բաժանմունքի տեսուչը իր վերադասի հանձնարարությամբ նյութերից հանել եւ պատռել է վարորդի բացատրության մասին արձանագրությունը եւ դրա փոխարեն, թերթերի քանակը ապահովելու համար, նյութերին է կցել այլ փաստաթուղթ:

Ապա Ա․ Չ․-ն ավտոմեքենայի թափքում չափել է բեռնված գերանների երկարությունը եւ տրամագիծը, եւ դրանց չափերին համապատասխան հատված ծառերի կոճղարմատներ հայտնաբերելու համար հեռախոսազանգով տեղակացրել Կ․ Հ․-ին։ Ապա, վերջինիցս տեղեկանալով, որ նշած չափերով հատված ծառերի կոճղարմատները պատրաստ են, կատարել են դեպքի վայրի զննություն, որի վերաբերյալ արձանագրությունում ակնհայտ կեղծ տեղեկություններ են ներառել ապօրինի հատված ծառերի հատատեղերի, քանակների եւ ծավալների վերաբերյալ:

Նկարագրված հանցավոր արարքները կատարելու համար ոստիկանության Գուգարքի բաժնի նշված երկու աշխատակիցներին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով, իսկ քաղաքացուն՝ ՀՀ քրեական օրենսգրքի 38-308-րդ հոդվածի 1-ին մասով։

29.06.2020թ․ նրանց վերաբերյալ գործը անջատվել է ապօրինի ծառերահատում կատարելու դեպքի վերաբերյալ քննվող քրեական գործից, այդ մասով հայտարարվել նախաքննության ավարտ։ Մեղադրական եզրակացությունը հաստատելուց հետո դատախազը նշված քրեական գործն ուղարկել ՀՀ Լոռու մարզի առաջին ատյանի ընդհանուր իրավասության դատարան։

Իսկ ծառերի ապօրինի հատում կատարելու մասով քրեական գործը անջատված մյուս մասով, ըստ ենթակայության ուղարկվել է ՀՀ քննչական կոմիտե։

Միաժամանակ, պարզվել է, որ քաղաքացի Կ․ Հ․-ն ՀՀ Լոռու մարզի առաին Ընդհանուր իրավասության դատարանի 2019թ․ դեկտեմբերի 25-ի դատավճռով մեղավոր է ճանաչվել ՀՀ քրեական օրենսգրքի 296-րդ հոդվածի 1-ին մասով եւ դատապարտվել տուգանքի։ ՀՀ ՀՔԾ-ում իրականացված վերոնշյալ նախաքննությամբ պարզվել են Կ․Հ․-ի կողմից ապօրինի ծառահատումը շուհույթ ստանալու նպատակով, այսինքն ՀՀ քրեական օրենսգրքի 296-րդ հոդվածի 2-րդ մասի հանցակազմով նախատեսված արարք կատարելու մասին նոր երեւան եկած հանգամանքներ, որոնք դատական ակտ կայացնելիս դատարանին հայտնի չեն եղել որոնք ինքնին կամ մինչ այդ պարզված հանգամանքների հետ միասին ապացուցում են դատապարտյալի կատարած հանցանքի ավելի ծանր լինելը, քան այն, որի համար նա դատապարտվել է։

Ելնելով դրանից՝ դատախազությունում քննարկվում է Կ․Հ․-ի վերաբերյալ օրինակիան ուժի մեջ մտած դատական ակտը վերանայելու ուղղութամբ քրեադատավարական օրենքով սահմանված միջոցներ ձեռնարկելու հարցը։

Տպել
Կարդացեք նաև
Ամբողջը
Ոստիկանության Տավուշի բաժնի ծառայողները փայտածուխի արտադրամասում ապօրինություններ են հայտնաբերել
Նշանակվել է մասնագիտական ստուգում…
Ավտովթար Լոռու մարզում. 48-ամյա ոչ սթափ վարորդը 06-ով բախվել է ճամփեզրի թմբին
Ժամը 16:00-ի սահմաններում Արագածոտնի մարզի բնակիչ, 48-ամյա…
Չկա տեր ու ցավող. ՀՀ իշխանությունը չի շտապում խնդիրը հսկողության տակ առնել. Դավիթ Ռստակյանը՝ Ախալքալաքի դեպքերի մասին
5-6 ամիս առաջ Նիկոլ Փաշինյանի կողմից սփյուռքի հանձնակատար Զարեհ Սինանյանը եկավ Ջավախք, հանդիպման ժամանակ ես ելույթ ունեցա եւ ասացի՝ քանի ուշ չէ, եկեք միասին հասկանանք…
Խոշոր ավտովթար Կոտայքի մարզում. Չայնիի ոլորաններում բախվել են Toyota Camry–ն ու Toyota Alphard-ը. կա վիրավոր
Մի քանի պտույտ շրջված Toyota Alphard-ի համարանիշները, ըստ դեպքի վայրում հավաքվածների՝ ինչ-որ մարդիկ հանել էին…
UNICEF. Բեյրութում տեղի ունեցած պայթյունի հետեւանքով զոհվել է առնվազն երեք երեխա
«Մենք դեռ հեռու ենք երեխաների շրջանում մահվան եւ վիրավորների մասին ամբողջական թվերն ունենալուց...
Բեյրութի նավահանգստում դեռեւս վտանգավոր քիմիական նյութերով 20 բեռնախցիկ կա
Նրա խոսքերով՝ Ֆրանսիայից եւ Իտալիայից քիմիական նյութերի մի խումբ մասնագետներ, լիբանանյան փրկարարների հետ միասին, ներկայում աշխատում են բեռնախցերի անվտանգությունն ապահովելու ուղղությամբ․․․