News
Լրահոս
News
Չորեքշաբթի
Մայիս 12
USD
522.27
EUR
633.77
RUB
7.03
ME-USD
0
Տեսնել լրահոսը

Փորձագետները նախազգուշացնում են, որ «պատվաստանյութերի ազգայնականությունը» Covid-19-ի դեմ դեղամիջոցի որոնումը վերածում է սպառազինությունների մրցավազքի, որը, ի վերջո, վնաս կհասցնի տնտեսությանը եւ հանրային առողջությանը, հայտնում է CNBC-ն:

Eurasia Group-ի վերլուծաբանները ենթադրում են, որ պատվաստանյութի հետ կապված լարվածությունը կուժեղանա ամռանը՝ կանխատեսելով դրա հասանելիության համար պայքար, որը կտեւի մինչեւ 2021 կամ 2022 թվականները:

«Երկրները՝ հարուստ եւ աղքատ, կմասնակցեն գնումների ակտիվ ջանքերին՝ քաղաքական, տնտեսական եւ հանրային առողջության համար զգալի հետեւանքներով»,- ասվում է զեկույցում: «Առկա միջազգային ինստիտուտները եւ համաձայնագրերը կպայքարեն այս «պատվաստանյութերի ազգայնականությունը» նվազագույնի հասցնելու համար:

Հետազոտական խումբը պնդում է, որ որոշ կառավարություններ արդեն իսկ փորձում են հասանելիություն ստանալ լայնածավալ ներդրումների միջոցով:

«ԱՄՆ-ում Կենսաբժշկության ոլորտում հեռանկարային հետազոտությունների վարչությունը (BARDA) բաշխում է իր ներդրումները պատվաստանյութերի մի շարք հավակնորդների միջեւ՝ ձգտելով նվազեցնել ֆինանսական ռիսկերը դեղագործական ընկերությունների համար եւ ապահովել առաջնային հասանելիություն հաջողված պատվաստանյութերին»,- նշում են հեղինակները:

BARDA-ն ֆինանսական հետաքրքրություններ ունի Moderna-ի թեկնածու-պատվաստանյութի հանդեպ եւ ներդրումներ է կատարել ֆրանսիական Sanofi-ի եւ բրիտանական GlaxoSmithKline-ի կողմից իրականացվող վաղ հետազոտություններում։

Մայիսին ԱՄՆ-ը նաեւ 1 միլիարդ դոլար է ներդրել AstraZeneca-ի պոտենցիալ պատվաստանյութի համար, որը մշակում են Օքսֆորդի համալսարանի գիտնականները: Բրիտանա-շվեդական դեղագործական հսկան մտադիր է 2 միլիարդ չափաբաժին պատվաստանյութ արտադրել, որպեսզի մինչեւ հոկտեմբեր 400 միլիոն չափաբաժին մատակարարի ԱՄՆ-ին եւ Մեծ Բրիտանիային:

AstraZeneca պատվաստանյութը նույնպես ստացել է բազմամիլիոն դոլար ներդրումներ ԱՄՆ կառավարությունից եւ 843 միլիոն դոլար ԵՄ որոշ երկրներից` պատվաստանյութի հասանելիությունն ապահովելու համար, եթե այն արդյունավետ լինի:

Մինչդեռ Կանադայի կառավարությանն առընթեր ազգային հետազոտական խորհուրդը համաձայնագիր է կնքել չինական CanSino Biologics-ի հետ` այս ամռանը Կանադայում պատվաստանյութի կլինիկական փորձարկումներ անցկացնելու համար, ինչը, վերլուծաբանների կարծիքով, Կանադային «ներքին հասանելիություն» կտա:

Օքսֆորդի համալսարանի գլոբալիզացիայի եւ զարգացման պրոֆեսոր եւ Համաշխարհային բանկի նախկին փոխնախագահ Յան Գոլդինը նույնպես նախազգուշացրել է, որ հետեւանքներ կլինեն, եթե երկրները փորձեն պատվաստանյութի տարածումը դարձնել ազգային ձեռնարկություն:

Shore Capital-ի բնական գիտություններում հետազոտությունների բաժնի ղեկավար Թարա Ռավենդրանը ասել է, որ որոշ հետազոտողներ, ինչպիսիք են BioNTech-ը եւ Moderna-ն, մշակում են mՌՆԹ պատվաստման տեխնոլոգիա, որը թույլ կտա հեշտությամբ ընդլայնել արտադրությունը:

Այնուամենայնիվ, նա հավելել է, որ դա կարող է բավարար չլինել վաղ հասանելիության որոշ ծրագրերի փոխհատուցման համար:

ԱՀԿ-ի տվյալներով՝ աշխարհում ներկայումս փորձարկվում է Covid-19- ի դեմ առնվազն 160 հավանական պատվաստանյութ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ճապոնիան արգելել է Հնդկաստանից, Նեպալից եւ Պակիստանից օտարերկրացիների մուտքը
Մայիսի 7-ին Ճապոնիայի իշխանությունները խստացրել են Հնդկաստանից, Նեպալից եւ Պակիստանից մուտքի կանոնները․․․
Կորոնավիրուսի դեմ պատվաստմանը սպասող հուսահատ գերմանացիներն ավելի ագրեսիվ են դառնում
Պատվաստումների կենտրոնների վրա ճնշումն ավելանում է․․․
Ֆրանսիայի Ազգային ժողովը հավանություն է տվել COVID-19-ի «առողջության անձնագրի» ստեղծմանը
«Առողջության անձնագիրը», որն ուժի մեջ կմտնի հունիսի 9-ից, ապացույց կհանդիսանա, որ անձը կա՛մ պատվաստվել է կորոնավիրուսի դեմ, կա՛մ վերջերս ՊՇՌ թեստի բացասական արդյունք է ստացել...
Հնդկաստանի արեւելքում գտնվող Գանգես գետով տասնյակ դիակներ են լողում
Գազիփուրի մի բնակիչ հայտնել է, որ գյուղացիները բավարար քանակությամբ վառելափայտ չունեն՝ ցամաքում հանգուցյալներին դիակիզելու համար...
Արցախում հաստատվել է կորոնավիրուսային հիվանդության 10 նոր դեպք
Կորոնավիրուսային հիվանդությամբ այս պահին ստացիոնար բուժում է ստանում 22 վարակակիր, իսկ թեթև ձևերը ամբուլատոր բուժում են ստանում տնային պայմաններում…
Հնդկաստանում որոշ բնակիչներ գերադասում են պայքարել կորոնավիրուսի դեմ՝ մարմնին քսելով գոմաղբ եւ կովերի մեզ
«Կան նաեւ ռիսկեր առողջության համար, որոնք կապված են դրանք օգտագործելու կամ տարածելու հետ. ուրիշ հիվանդություններկարող են փոխանցվել կենդանիներից մարդկանց»...