News
Լրահոս
News
Ուրբաթ
Օգոստոս 14
USD
485.17
EUR
574.15
RUB
6.6
ME-USD
0.01
Տեսնել լրահոսը

Բռնությամբ ուղեկցվող բողոքի ցույցերը շարունակվել են Բելգրադում, որտեղ հազարավոր մարդիկ դուրս են եկել փողոց՝ բողոքելով Սերբիայի նախագահ Ալեքսանդր Վուչիչի եւ կառավարության քաղաքականության, այդ թվում՝ կորոնավիրուսից առաջացած ճգնաժամին արձագանքման դեմ, հայտնում է Reuters-ը:

Խորհրդարանի շենքի շուրջը տեղակայվել են ոստիկանության ուժեր, որոնք պատրաստված են եղել անկարգությունների դեպքում աշխատելու համար, որպեսզի կանխեն երկրի նախագահի հակառակորդների մուտքը շենք:

Գործակալությունը նշում է, որ ցուցարարները քարեր ու կայծեր են նետել ոստիկանների ուղղությամբ եւ վանկարկել են․ «Մենք չենք հանձնի Կոսովոն» եւ «Վուչիչը գող է»:

Փարիզում նախագահն իր քաղաքական հակառակորդներին մեղադրել է Բելգրադում բուռն ցույցեր կազմակերպելու մեջ եւ ընդգծել է, որ եթե նրանք նույն կերպ շարունակեն, դժվար կլինի հաղթահարել կորոնավիրուսի համավարակը:

Ավելի վաղ Սերբիայի նախագահը հայտարարել էր, որ Բելգրադի եւ Պրիշտինայի միջեւ հարաբերությունների վերականգնմանն ուղղված բանակցությունները վերսկսելու ուղղությամբ Գերմանիայի եւ Ֆրանսիայի ձեռնարկած ջանքերն արդեն մարվում են:

Հիշեցնենք, որ Բելգրադում հուլիսի 7-ին, 8-ին եւ 9-ին անցկացվող հակակառավարական ցույցերը ուղեկցվել էին ցուցարարների եւ ոստիկանության միջեւ ուժեղ բախումներով: Մարդիկ քարեր եւ կայծեր էին նետել ոստիկանների ուղղությամբ: Ի պատասխան՝ վերջիններս արցունքաբեր գազ էին կիրառել: Բողոքի առաջին երկու օրվա ընթացքում տասնյակ մարդիկ էին վիրավորվել:

!
Այս նյութը հասանելի է նաև   English and Русский
Տպել