News
Լրահոս
News
Կիրակի
Օգոստոս 09
USD
485
EUR
573.17
RUB
6.58
ME-USD
0.02
Տեսնել լրահոսը

Շաբաթ երեկոյան՝ հուլիսի 11-ին, Թել Ավիվում անցկացվել է բողոքի ցույց, որին մասնակցել է շուրջ 10 000 ինքնազբաղված եւ վարձու աշխատող քաղաքացի, որոնց ոլորտներն առավելապես են տուժել կորոնավիրուսի ճգնաժամի հետեւանքով՝ զբոսաշրջություն, մշակույթ, ռեստորանային եւ ժամանցային բիզնես, ինչպես նաեւ տեղական ձեռնարկություններ, հաղորդում է «Վեստի» իսրայելական գործակալությունը։

Ցույցի կազմակերպիչները հայտարարել էին, որ ակցիայի գլխավոր նպատակը «իսրայելական հասարակության լայն շերտեի անօգնականությունն ու տառապանքն արտահայտելն է»։

Ամբողջ երկրում շուրջ 1000 բիզնես սատարել է հանրահավաքն ու ի նշան համերաշխության՝ փակել իրենց ձեռնարկությունը 20:00-ին՝ ցույցի մեկնարկին ընդառաջ։

Կազմակերպչական կոմիտեում նշել են, ակցիան կրում է բացառապես ժողովրդական բնույթ եւ կոչ արել քաղաքական գործիչներին չժամանել եւ ելույթ չունենալ․ «Նրանք բավականաչափ ժամանակ ունեին մեզ օգնելու համար»։

Հանրահավաքի ժամանակ կարգուկանոնն ու անվտանգությունն ապահովել են հարյուրավոր ոստիկաններ։ Իրավապահները հետեւել են նաեւ առողջապահության նախարարության խորհուրդներին՝ դիմակի առկայությանն ու սոցիալական հեռավորությանը։

Ընդդիմության ղեկավար Յաիր Լապիդը հայտարարել է նախքան հանրահավաքը․ «Դա իրականությունից կտրված կառավարություն է։ Նայե՛ք հրապարակին, խաչմերուկներին, կամուրջներին։ Ժողովուրդն ասել է իր խոսքը։ Դուք (կառավարությունը) ձախողվել էք։ Ժողովուրդն արժանի է կառավարությանը, որը կաշխատի ժողովրդի համար»։

Այլընտրանքային վարչապետ Բենի Հանցը եւս մեկնաբանել է ակցիան․ «Քաղաքացիները դուրս են գալիս փողոց իրենց աղետալի դրությունը բարձրաձայնելու համար։ Նրանց գործողություններն արդար են։ Մարդիկ իրավունք ունեն բողոքել կառավարության անդամների դեմ, որը կրում է պատասխանատվություն։ Մենք պետք է լսենք ժողովրդին եւ գտնենք խնդիրների լուծումը»։

Բեմից բոլոր ելույթ ունեցողները միաձայն հայտարարել են, որ կորցրել են կառավարության եւ դրա անդամների խոստումների նկատմամբ վստահությունը։

הפגנת העצמאיים בתל אביב

הפגנת העצמאיים בתל אביב

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ում անցած օրվա ընթացքում գրանցվել է կորոնավիրուսով վարակման ավելի քան 58 հազար դեպք
Համավարակի սկզբից ի վեր ԱՄՆ-ում հայտնաբերվել է կորոնավիրուսով վարակման 4.942.746 դեպք...
Կորոնավիրուսի դեմ ղազախական պատվաստանյութի մշակողները փորձարկել են այն իրենք իրենց վրա
Գիտնականներն իրենց լավ են զգում եւ շարունակում են աշխատել...
Ռուսաստանում գրանցվել է կորոնավիրուսով վարակման 5.212 դեպք
Կորոնավիրուսից մահվան դեպքերի թիվը վերջին օրվա ընթացքում ավելացել է 129-ով` նախորդ օրվա 119-ի համեմատ...
Համաճարակաբանները նոր տվյալներ են հրապարակել Վրաստանում կորոնավիրուսի դեպքերի վերաբերյալ
Այս պահի դրությամբ վարակվածների ընդհանուր թիվը 1216 է...
Կորոնավիրուսից մահացած 51-ամյա կինը չի ունեցել որեւէ քրոնիկական հիվանդություն
Մահվան դեպքերի վերաբերյալ հայտնում ենք, որ պացիենտները եղել են 68 (կին), 64 (կին), 90 (տղամարդ), 78 (տղամարդ)…
Հայաստանում կորոնավիրուսով վարակակիրների թիվն ավելացել է 200-ով. վարակվածների թիվը գերազանցել է 40 000-ը
Այսպիսով՝ օգոստոսի 8-ին՝ ժամը 11-ի դրությամբ՝ կորոնավիրուսով վարակվել է 40185 մարդ...