News
Լրահոս
News
Հինգշաբթի
Մարտ 28
Տեսնել լրահոսը

Սպիտակ տունը մեծացնում է ճնշումն ԱՄՆ-ում վարակիչ հիվանդությունների գլխավոր փորձագետ, բժիշկ Էնթոնի Ֆաուչիի վրա: ԱՄՆ-ի վարչակազմի ներկայացուցիչն անանունության պայմանով CNN-ին հայտնել է, որ «Սպիտակ տան մի քանի պաշտոնյա անհանգստացած է, որ դոկտոր Ֆաուչին շատ անգամ սխալվել է ակնհայտ հարցերում»: Նա օրինակների երկար ցուցակ է ներկայացրե՝ վկայակոչելով Ֆաուչիի մեկնաբանությունները համավարակի մեկնարկի ժամանակ եւ նրա հարցազրույցների հղումները, փոխանցում է RG-ն:

Այս օրինակները, որոնք, ըստ հեռուստաալիքի փորձագետների, հիշեցնում են ընդդիմության մեղադրանքները քաղաքական հակառակորդի դեմ, պարունակում էին բժշկի հայտարարությունները որոնք նվազեցնում են համավարակի վտանգը դրա վաղ փուլերում, եւ մեջբերում նրա՝ մարտին արված հայտարարությունից, երբ Ֆաուչին ասել է. «Մարդիկ չպետք է դիմակներով քայլեն»:

Ըստ աղբյուրի՝ նախագահ Դոնալդ Թրամփը եւ Ֆաուչին չեն խոսում միմյանց հետ եւ դադարել են շփվել մի քանի շաբաթ առաջ: Նրանց միջեւ լարվածությունը ծագել էր այն ժամանակ, երբ նրանք միմյանց մեղադրեցին համավարակին համարժեք պատասխան չտալու մեջ։

Վերջերս հրապարակված թերթային եւ աուդիովիզուալ հարցազրույցների շարքում Ֆաուչին, ով աշխատել է ԱՄՆ վեց նախագահների ղեկավարությամբ, իրեն թույլ էր տվել բացահայտորեն դեմ արտահայտվել Թրամփին: Մասնավորապես, նա կտրուկ արձագանքել էր նախագահի հայտարարությանն այն մասին, որ «ԱՄՆ-ում կորոնավիրուսով վարակման դեպքերի 99 տոկոսը լիովին անվնաս է»:

Այնուհետեւ Թրամփը սկսեց հրապարակայնորեն քննադատել Ֆաուչիին ազգային հեռուստատեսությամբ իր ելույթներում: «Դոկտոր Ֆաուչին լավ մարդ է, բայց նա շատ սխալներ է թույլ տվել»,- ասել էր Թրամփն անցած շաբաթ: Ընդ որում, վերլուծաբանների կարծիքով, Թրամփին քաջ հայտնի է, որ հարցումներում ամերիկացիները Ֆաուչիին ավելի շատ են վստահում, քան իրեն: Վերջին հարցազրույցներում Սպիտակ տան ղեկավարը բացահայտորեն կասկածի տակ առավ համավարակի բռնկման սկզբում Ֆաուչիից ստացված առաջարկությունները:

Սպիտակ տան շատ բարձրաստիճան պաշտոնյաներ համաձայն են Թրամփի հետ: Վարչակազմի այլ պաշտոնյաներ CNN- ին ասել են, որ, չնայած իրենք տարաձայնություններ ունեն Ֆաուչիի մեթոդների հետ, չեն կասկածում նրա ազնվությանը՝ նշելով, որ նրա միակ մտահոգությունը հանրային առողջությունն է:

Կալիֆորնիացի դեմոկրատ, Ներկայացուցիչների պալատի հետախուզության հանձնաժողովի ներկայացուցիչ, Թրամփի ամենախիստ քննադատներից մեկը՝ Ադամ Շիֆը, կիրակի երեկոյան հայտարարել էր, որ Սպիտակ տան կողմից Ֆաուչիին երկրորդ պլան մղելու կամ վարկաբեկելու ցանկացած փորձ «պարզապես սարսափելի է»: Ըստ նրա՝ այդպիսի քայլն «այնքան բնորոշ է Դոնալդ Թրամփին, որ նա կարող է հեշտությամբ հեռացնել աշխատանքից բժշկին»: «Նախագահը կրկին միջամտում է»,- եզրափակել էր Շիֆը:

Քեթլեն Սիբելիուսը, ով նախկին նախագահ Բարաք Օբամայի առողջապահության եւ սոցիալական ծառայությունների նախարարության ապարատի ղեկավարն էր, ասել է, որ Ֆաուչիին եւ այլ գիտնականներին վարկաբեկելու փորձերը «պոտենցիալ շատ, շատ վտանգավոր են» այն պահին, երբ ԱՄՆ-ն եւ այլ երկրներ աշխատում են կորոնավիրուսի դեմ պատվաստանյութի ստեղծման ուղղությամբ։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ