Հայաստանի կառավարությունն այսօր՝ հուլիսի 13-ին արտահերթ նիստ է հրավիրել, որի օրակարգում է արտակարգ դրությունը եւս մեկ ամսով երկարաձգելու հարցը:
Կառավարության որոշումից հետո այսօր այն կներկայացվի Ազգային ժողովի հատուկ նիստում:
Հիշեցնենք, որ արտակարգ դրության ժամկետն ավարտվում է այսօր՝ հուլիսի 13-ին: Իսկ առաջին անգամ արտակարգ դրություն հայտարարվել էր մարտի 16-ին:
Սահմանափակումները մնում են ուժի մեջ: Հայաստանի Հանրապետության առողջապահության նախարարի կողմից համաճարակաբանական լարված իրավիճակ ունեցող երկրների ցանկ սահմանված լինելու դեպքում, այդ երկրներից ժամանող անձանց նկատմամբ կիրառվում է մեկուսացում կամ նրանց կարող է հրահանգվել անցնել ինքնամեկուսացման:
Արտակարգ դրությունը երկարաձգելու մասին որոշման նախագիծը ԱՅՍՏԵՂ: