Ռուսաստանի Դաշնությունում վերջին օրվա ընթացքում կորոնավիրուսով վարակման դեպքերի թիվն ավելացել է 6․537-ով՝ հասնելով 733․699-ի, լրագրողներին հայտնել են կորոնավիրուսի տարածման դեմ պայքարի օպերատիվ շտաբում, փոխանցում է «ՌԻԱ Նովոստի»-ն:
«Ռուսաստանում վերջին 24 ժամվա ընթացքում 84 մարզում COVID-19-ով վարակման 6537 նոր դեպք է գրանցվել, այդ թվում՝ 1674-ը (25․6 տոկոս)՝ առանց կլինիկական դրսեւորումների»,- նշվում է հաղորդագրության մեջ:
Հավելվում է, որ երկրի 85 մարզում կորոնավիրուսով վարակման դեպքերի ընդհանուր թիվը հասել է 733 699-ի (+0․9 տոկոս):
