News
Լրահոս
News
Հինգշաբթի
Մայիս 06
USD
521.45
EUR
628.19
RUB
6.99
ME-USD
0
Տեսնել լրահոսը


Ազգային ժողովն այսօր՝ հուլիսի 13-ին, հատուկ նիստ է հրավիրել՝ կապված արտակարգ դրությունը երկարաձգելու կառավարության որոշման հետ:

Նշենք, որ այսօր կառավարության արտահերթ նիստում որոշում է կայացվել արտակարգ դրությունը երկարաձգել 30 օրով՝ մինչեւ օգոստոսի 12-ը, ժամը 17-ը:

Այդ որոշումը պետք է քննարկվի Ազգային ժողովի հատուկ նիստում:

Արտակարգ դրությունը երկարաձգլու կառավարության որոշման մեջ ասվում է, որ Արտակարգ դրություն հայտարարելու հիմքերը դեռեւս շարունակվում են պահպանվել։

«Այսպիսով նախատեսվում է երկարաձգել արտակարգ դրության ժամկետը 2020 թվականի հուլիսի 13-ից ժամը 17:00-ից 30 օրով՝ մինչեւ օգոստոսի 12-ը ժամը 17:00-ն ներառյալ։ Սա արդեն 4-րդ երկարաձգումն է», - ասել է արդարադատության նախարար Ռուստամ Բադասյանը։

Վարչապետ Նիկոլ Փաշինյանն էլ նշել է, որ բացի արտակարգ դրության ռեժիմից, օրենսդրությունում այլ արդյունավետ գործիքակազմ չունեն եւ եթե չերկարացնեն, ապա հակահամաճարակային միջոցառումների համակարգը դե յուրե իրենց ուժը կորցրած կլինի: «Մյուս կողմից հասկանում ենք, որ արտակարգ դրությունը անվերջ երկարացնել հնարավոր չէ եւ պետք էլ չէ եւ այս ընթացքում որոշում ունենք, որ օրենսդրական փաթեթ մշակենք, որը հնարավորություն կտա այդ գործիքակազմը կիիրառել ոչ թե արտակարգ դրության, այլ արտակարգ իրավիճակի ռեժիմով, որը ավելի թեթեւ կլինի»,-ընդգծել է վարչապետը:

Հիշեցնենք, որ արտակարգ դրության ժամկետն ավարտվում էր հուլիսի 13-ին: Իսկ առաջին անգամ արտակարգ դրություն հայտարարվել էր մարտի 16-ին:

Սահմանափակումները մնում են ուժի մեջ: Հայաստանի Հանրապետության առողջապահության նախարարի կողմից համաճարակաբանական լարված իրավիճակ ունեցող երկրների ցանկ սահմանված լինելու դեպքում, այդ երկրներից ժամանող անձանց նկատմամբ կիրառվում է մեկուսացում կամ նրանց կարող է հրահանգվել անցնել ինքնամեկուսացման:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Էկոնոմիկայի նախարարի պաշտոնակատար. Բժիշկս ինձ հորդորել է չպատվաստվել
Ինձ համար միեւնույնն է, թե որ դեղամիջոցով կպատվաստվեմ․․․
Գերմանիայում հաստատել են կորոնավիրուսի դեմ պատվաստվածների արտոնությունները
Մասնավորապես, ԳԴՀ այդպիսի բնակիչների համար մասամբ կչեղարկվեն երկրում տեղաշարժման, առեւտրի կենտրոններ, խանութներ եւ սրճարաններ այցելելու, սահմանափակումները...
ԱՄՆ-ում ավելի քան 3,3 հազար բնակիչ է մահացել կորոնավիրուսի դեմ պատվաստվելուց հետո. Fox
Այդտեղ հաշվել են, որ միջինում նշված ժամանակահատվածում երկրում այդպիսի պատվաստումից հետո ամեն օր մահացել է շուրջ 30 մարդ...
Եթե մենք պատվաստումը հասցնենք պատշաճ մակարդակի, համոզված եմ՝ տնտեսական աճի տեմպը կարագանա. Փաշինյան
ՀՀ-ում կորոնավիրուսի երրորդ ալիքը կայունացման որոշակի միտումներ է ցույց տալիս...
Տաքսիների համար կարող են հատուկ նշաններ թողարկել, որով կտեղեկացվի, որ տվյալ վարորդը պատվաստված է
Գրեթե տեսանելի է, որ ինչ-որ պահից երկրներն արգելելու են չպատվաստված քաղաքացիների մուտքն իրենց տարածք...
Նոր որոշում. պատվաստված եւ կանաչ անձնագիր ունեցող քաղաքացիները Հայաստան գալիս այլեւս ՊՇՌ թեստ չեն հանձնի
Նրա խոսքով, այս փոփոխություններով նաեւ մինչեւ մեկ տարեկան երեխաների մուտք գործելուց ՊՇՌ թեստավորման պահանջը հանվել է...
Ամենաշատ