Այս նախագծի նպատակը կորոնավիրուսի համաճարակի պայմաններում ԱԺ աշխատանքը կաթվածահար չանելն է: Այս մասին, այսօր՝ հուլիսի 15-ին. ԱԺ-ում հայտարարեց խորհրդարանի նախագահ Արարատ Միրզոյանը՝ անդրադառնալով օրինագծին, որով հնարավորություն է տրվում հիվանդության պատճառով բացակայող պատգամավորներին մասնակցել քվեարկություններին ծրարով իրենց դիրքորոշումը ուղարկելով:
Նա դիմեց նախագիծը ներկայացնող «Իմ քայլի» պատգամավոր Վահագն Հովակիմյանին՝ նշելով. «Այս պայմաններում, ես կարծում եմ, որ ԱԺ կանոնակարգ օրենքում արվող փոփոխությունը պետք է առավելագույնս հստակ լինի, չարաշահումների տեղ չտա:Հավանաբար բառացի գրված լին, որ այս համաճարակի հետեւանքով առաջացած արտակարգ դրության հիմքով հայտարարված արտակարգ դրության ժամանակ պատկան մարմինների ցուցումով մեկուսացված վարակակիր պատգամավորի մասին է խոսքը»:
Ի պատասխան Վահագն Հովակիմյանն ասաղց, որ ի սկզբանե դա է եղել նպատակը, բայց քննարկումների ժամանակ եկել են եզրակացության, որ կորոնավիրուսի հետ կապ չունեցող, բայց այլ հիվանդության դեպքում՝ եւս պատգամավորը զրկված է քվեարկություններին մասնակցելու հնարավորությունից. «Ինչ վերաբերում է չարաշահումներին, եթե պատգամավորները պետք է այդ հնարավորությունից օգտվեն ի չարս, դա մեղմ ասած, մեր պետության ողբերգությունը կարող է դառնալ:Եթե կլինեն այդպիսի երեւույթներ, հանրությունը դրանք պետք է տեսնի»:
Արարատ Միրզոյանը նկատեց, որ պետք չի նման ընդհանրական մոտեցման դիմել, դա հղի է տարբեր հնարավոր հետեւանքներով:
