Ցավոք, համավարակը փոփոխություններ է մտցրել մեր համագործակցության զարգացման հարցում, այդ թվում՝ Հայաստանի հետ․ ապրանքափոխանակությունն անկում է ապրել։ Այդ մասին ասել է ՌԴ վարչապետ Միխայիլ Միշուստինը Հայաստանի վարչապետ Նիկոլ Փաշինյանի հետ հանդիպման ժամանակ։
«Մենք հանդիպել ենք Ալմաթիում եւ քննարկել մեր երկկողմանի հարցերը։ Իհարկե, ցավով եմ փաստում, որ համավարակը փոփոխություններ է մտցրել մեր համագործակցության զարգացման հարցում, այդ թվում՝ Հայաստանի հետ․ ապրանքափոխանակությունն անկում է ապրել։ Եւ հունվարից ի վեր մենք դա գրանցում ենք վիրուսի հետեւանքով ծագած օբյեկտիվ պատճառներով։ Սակայն ես շատ հուսով եմ, որ համատեղ ջանքերով մենք կգրանցենք կայուն աճ արդեն տարեվերջին, եւ դրա համար կան նախադրյալներ։ Ինչ վերաբերում է մեր մշակութային, հոգեւոր եւ պատմական հարաբերություններին ու կապերին, ապա Հայաստանը շարունակում է բոլոր միջոցառումները, որոնք մենք նախատեսել ենք այդ ոլորտում։ Հուսով եմ, որ այսօրվա քննարկումից հետո կլուծենք բոլոր հարցերը՝ կապված արգելքների հետ, որոնք մենք այսօր գրանցել ենք»,-նշել է Միշուստինը։
