Վերջին մի քանի ամիսների ընթացքում մարդկանց կյանքը որոշակիորեն փոխվել է, կյանքի սովորական մի շարք գործընթացներ ընդհատվել են։ Մեկ խոշոր օրինակ՝ ճանապարհորությունները եւ աշխարհով մեկ տեղաշարժվելու ազատությունը։ Բնականաբար, շատերը սպասում են, թե երբ կկարողանան այցելել նոր վայրեր։ 

Նոր հետազոտությունը պարզել է, թե որոնք են ճանապարհորդությունների համար ամենանախընտրելի ուղղութունները 2021 թվականին։ Հետազոտության արդյունքները հրապարակվել են Lonely Planet կայքում։

Դրանց համաձայն, 2021 թվականին ամենանախընտրելի ուղղությունը ԱՄԷ-ն է, երկրորդ տեղում են Կատարը, Կանադան եւ ԱՄՆ-ը։ Երրորդում՝ Եգիպտոսը։

Եվրոպացիների եւ աֆրիկացիների համար ամենանախընտրելին Մալդիվներն են, ասիացիների համար՝ ԱՄԷ-ն ու Կանադան, հարավամերիկացիների համար՝ Պերուն։