ՄԱԿ գլխավոր քարտուղար Անտոնիու Գուտերիշը շաբաթ օրը ելույթ է ունեցել՝ կապված Նելսոն Մանդելայի օրվա հետ։ Իր ելույթի ընթացքում նա բարձրացրել է ռասայական, սեռային, սոցիալական կարգավիճակի եւ ծննդյան վայրի հետ կապված անհավասարության խնդիրները, գրում է Associated Press-ը:
Նրա խոսքերով՝ COVID-19-ը ռենտգենյան ճառագայթների նման բացահայտեց մեր կառուցած հասարակության փխրուն կմախքը:
«Այն բացահայտում է մոլորությունները եւ ստերը ամենուր՝ սուտը, թե ազատ շուկաները կարող են բոլորի համար ապահովել բժշկական ծառայություն, այն ֆանտազիան, որ խնամքի անվճար աշխատանքը ոչ թե աշխատանք է, այլ մոլորություն այն մասին, որ մենք ապրում ենք հետռասիստական աշխարհում, առասպելն այն մասին, որ մենք բոլորս նույն նավում ենք»,- ասել է Անտոնիո Գուտերիշը:
ՄԱԿ գլխավոր քարտուղարի կարծիքով՝ զարգացած երկրները չափազանց շատ ներդրումներ են կատարել իրենց սեփական գոյատեւման համար եւ անհաջողության են մատնվել այս դժվարին ժամանակներում անհրաժեշտ օգնությունը զարգացող աշխարհին փոխանցելու հարցում:
Իր խոսքում ՄԱԿ գլխավոր քարտուղարն անդրադարձել է հարստության անհավասարությանը՝ ասելով, որ աշխարհում 26 մարդու է պատկանում ամբողջ մոլորակի ողջ ունեցվածքի կեսը: Սակայն նա նաեւ նշել է ռասայական անհավասարությունը, գենդերային անհավասարությունը, սոցիալական կարգավիճակի եւ ծննդյան վայրի անհավասարությունը:
Գուտերիշի կարծիքով՝ անհավասարությունը սկսվում է ամենավերեւներից՝ գլոբալ ինստիտուտներից, եւ այն հաղթահարելու համար անհրաժեշտ է դրանք բարեփոխել: