Սերբիայի նախագահ Ալեքսանդր Վուչիչը հայտարարել է, որ ձեռնարկվել են որոշակի նախաձեռնություններ նավատորմի կողմից կործանիչ-ռմբակոծիչներ ձեռքբերելու համար՝ մեղադրելով ԱՄՆ-ին եւ մյուս արեւմտյան երկրներին Կոսովոյի սպառազինման մեջ։ «Ամերիկացիաները, թուրքերն ու գերմանացիները հոգ են տանում իրենց սիրելի զավակի մասին»,-ասել է Վուչիչը՝ վկայակոչելով Կոսովոյին, հաղորդում է AP-ը։

Նրա խոսքով՝ ԱՄՆ-ը վերջերս մատակարարել է մի քանի միավոր զրահատեխնիկա Կոսովոյի անվտանգության ուժերին։ Նա նշել է, որ Սերբիան չի կարող մրցել «ՆԱՏՕ-ի նվիրատվությունների» հետ, երբ խոսքը վերաբերում է զենքին, «ուստի մենք պետք է դա անենք միայնակ»։

Վուչիչը չի մանրամասնել, թե ռազմական որ ինքնաթիռներն է Սերբիան պլանավորում ձեռքբերել, սակայն տեղական ԶԼՄ-ները հաղորդել են, որ կառավարությունը պաշտոնապես դիմել է ԱՄՆ-ին 20 կործանիչ-ռմբակոծիչների հարցումով։ Վաշինգտոնը դեռեւս չի պատասխանել Բելգրադի հարցին եւ մերժման դեպքում նա, ամենայն հավանականությամբ, ձեռք կբերի ռուսական «Սուխոյ-25»-ը, գրում են ԶԼՄ-ները։