Ադրբեջանի քաղաքական դաշտում նոր փոփոխություններ են տեղի ունեցել: Ադրբեջանի ԱԳՆ ղեկավար Էլմար Մամեդյարովը խայտառակ կերպով հեռացվեց զբաղեցրած պաշտոնից: Այս մասին NEWS.am-ի հետ զրույցում ասաց Ադրբեջանի հարցերով փորձագետ Գրիգորի Այվազյանը:
Նրա կարծիքով՝ դա Ադրբեջանի նախագահ Իլհամ Ալիեւի հատուկ քաղաքականության բնական շարունակությունն է:
«Ալիեւն առաջին անգամը չէ, որ փորձում է ազատվել անձանցից, որոնք ունեն սեփական կարծիքն ու որոշակի քաղաքական կշիռ՝ նրանց փոխարինելով անձանցով, ովքեր կատարում են բռնապետի կամքը՝ չփորձելով քննարկել եւ հայտնել սեփական տեսակետը»,-ասաց նա:
Նա նաեւ շնորհավորեց հայկական կողմին այն կապակցությամբ, որ նման փորձառու եւ ազդեցիկ դիվանագետի հեռացրեցին պաշտոնից եւ բերեցին անփորձ Ջեյխուն Բայրամովին, որը ոչ մի կապ չունի դիվանագիտության հետ:
Փորձագետի խոսքով՝ Բայրամովի եւ Ալիեւի հայտարարություններից հայտնի է դառնում, որ նա ոչ թե ԱԳՆ ղեկավար է, այլ ճգնաժամային մենեջեր: Նոր նախարարի խնդիրն է արդարացնել Հայաստանի դեմ ադրբեջանական ագրեսիան:
