News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը

Մոսկվայի Սոլնցեւսկի դատարանը մերժել է դուստրերի կողմից սպանված Միխայիլ Խաչատրյանի ազգականների քաղաքացիական հայցը նրա նախկին կնոջ՝ Աուրելիա Դունդուկի դեմ, պատվի եւ արժանապատվության պաշտպանության մասին՝ 1 մլն ռուբլի փոխհատուցման պահանջով: Այս մասին ՏԱՍՍ-ին հայտնել է կնոջ փաստաբան Վալենտինա Ֆրոլովան:

«Դատարանը հրաժարվել է բավարարել պահանջները՝ ուղղված իր փորձի, վերապրած բռնության մասին պատմելու կնոջ իրավունքների սահմանափակմանը: Անչափ ուրախացնող է այն, որ մինչեւ հիմա դատարանները ցանկացած հայց՝ ուղղված կնոջը լռել ստիպելուն կամ իր ասածից հրաժարվելուն, չեն ընդունում»,- ասել է փաստաբանը:

Քաղաքացիական հայցը ներկայացվել էր գրեթե մեկ տարի առաջ: Խաչատրյանի ազգականները պահանջում էին 1 մլն ռուբլու չափով բարոյական վնասի փոխհատուցում:

Հայցի հայտարարությունից հետեւում է, որ Աուրելիան Առաջին ալիքով «Իրականում» ծրագրի եթերում հրապարակայնորեն հայտարարել է այն մասին, որ Միխայիլ Խաչատրյանը 1996 թվականից իր նկատմամբ սեքսուալ բնույթի բռնի գործողություններ է կիրառել, ինչի հետեւանքով հղիացել է եւ ծնել որդուն՝ Սերգեյին: Այնուհետեւ պարզվել է, որ Սերգեյ Խաչատրյանը Միխայիլի որդին չէ: Հետեւաբար հեռուստատեսությամբ նրա հայտարարությունը իրականությանը չի համապատասխանում եւ բարոյական վնաս է պատճառում ազգականներին եւ ընտանիքի հեղինակությանը, հետեւում է հայցից, որի պատճենը ՏԱՍՍ-ի տրամադրության տակ է:

Միխայիլ Խաչատրյանը սպանվել էր 2018 թվականի հուլիսի 27-ին: Երեք դուստրերը հորը բազմաթիվ հարվածներ էին հասցրել դանակով եւ մուրճով: Քննությամբ պարզվել է, որ հանցագործության պատճառը անձնական անբարյացակամությունն էր, որը պայմանավորված էր երկար ժամանակ պատճառված ֆիզիկական եւ հոգեկան տառապանքներով: Աղջիկների գործողությունները քննությունը որակել է որպես նախնական համաձայնությամբ մի խումբ անձանց կողմից կատարված սպանություն: Ընդ որում՝ հիմնական գործից առանձնացված են կրտսեր քրոջ վերաբերյալ նյութերը, քանի որ փորձագետների կողմից նա իրեն մեղսագրվող հանցագործության պահին անմեղսունակ է ճանաչվել: ՔԿ-ն պնդում է, որ նրա նկատմամբ պետք է կիրառել բժշկական բնույթի միջոցներ, քանի որ նա հարկադիր բուժման կարիք ունի: Մոսկվայի Բուտիրյան դատարանը երեքշաբթի նրա դեմ գործով մինչդատական նախապատրաստություն է կատարելու:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տղերքը գիշերը զանգում, աչքալուսանք էին տալիս՝ Տեր Հայր ջան, ինձ էլ են վերցրել, գնում եմ Ղարաբաղ. Տեր Աբել Քարտաշյան
Իմ հետեւում երեւացող բարձր դիրքի պես անսասան ենք մենք՝ անկոտրում կամքով...
«Արցախը եւ արցախահայության իրավունքներն միշտ եղել եւ մնալու են Հայոց Հայրապետների ուշադրության կենտրոնում»․ Գարեգին Բ
Ամենայն Հայոց Կաթողիկոսն ընդունել է Արցախի Ազգային ժողովի պատվիրակությանը…
Նման հանցակազմով քրգործ որևէ եկեղեցականի նկատմամբ չի հարուցվել. Մայր Աթոռը՝ մանկապղծության դեպքի մասին
Այս ամենի մեջ խիստ անհանգստացնող է այն պարագան, որ նման հանցանքի մասին…
Ամենայն Հայոց Կաթողիկոսի կողմից կսահմանվի իրավաբանների օրհնության օր
ՀՀ գլխավոր դատախազը, Բարձրագույն դատական խորհրդի նախագահը և ՀՀ փաստաբանների պալատի նախագահը, կարևորելով Հայոց Եկեղեցու...
«Հայոց Եկեղեցու պատմություն» առարկան ոգի եւ դաստիարակություն է ջամբել մատաղ սերնդին. Գարեգին Բ
Հանդիպում ՔԴԿ տարածաշրջանային պատասխանատուների հետ…
Ամենայն Հայոց Կաթողիկոսն ընդունել է Էդուարդո Էօրնեկյանին
Շրջելով 2009 թվականին ի հիշատակ բարերարի ծնողների` տեր եւ տիկին Փանոս եւ Սրբուհի Էօրնեկյան ամոլի, հիմնադրված դպրոցում՝ Նորին Սրբությունը եւ մեծանուն...
Ամենաշատ