News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

Հայ-ռուսական հարաբերությունների մասին RT-ի գլխավոր խմբագիր Մարգարիտա Սիմոնյանի գրառումը աղմուկ բարձրացրեց Հայաստանում եւ բացասական արձագանք ստացավ: Այս մասին ՌԲԿ հեռուստաալիքին տված հարցազրույցում ասել է ՀՀ վարչապետ Նիկոլ Փաշինյանը:

Հուլիսի 18-ին Մարգարիտա Սիմոնյանը Թելեգրամի իր ալիքում դիմել է ՀՀ իշխանություններին. «Ի պատասխան բազմամյա բարության եւ պաշտպանության, որոնք դուք ստացել եք Ռուսաստանից, դուք Ղրիմը չճանաչեցիք: Որովհետեւ դա Հայաստանի ներքին գործն է: Ռոբերտ Քոչարյանին դուք բանտարկել եք բացառապես քաղաքական վրեժխնդրությունից, որը Ռուսաստանի անդավաճան դաշնակիցն է: <...> Դուք երկիրը հեղեղել եք հակառուսական ՀԿ-ներով, որոնք ձեր տարածքում երիտասարդներին ուսուցանում են, թե ինչպես Ռուսաստանում իշխանությունը տապալեն <...> Իրականում այն ամենից հետո, ինչ դուք արել եք, Ռուսաստանը լիակատար բարոյական  իրավունք ունի թքելու ձեզ վրա եւ տրորելու»:

«Հայաստանը դեռ չի ճանաչել Լեռնային Ղարաբաղի անկախությունը: Մի՞թե դա նշանակում է, որ մենք չենք պաշտպանում Լեռնային Ղարաբաղը: Ո՛չ»,-նշել է Փաշինյանը: Նա հիշեցրել է, որ Հայաստանն ու Լեռնային Ղարաբաղը անվտանգության միասնական տարածքներ են:    

Մեկնաբանելով Ռոբերտ Քոչարյանի կալանքի հետ կապված դժգոհությունները՝ Փաշինյանը նշել է, որ Ռուսաստանի դաշնակիցները ոչ թե անհատներն են, այլ հայ ժողովուրդը: «Ռուսաստանում պետք է հասկանան, որ Ռուսաստանի դաշնակիցը ոչ թե Փաշինյանն է, Պետրոսյանը, Պողոսյանը, Սարգսյանը կամ Քոչարյանը, այլ հայ  ժողովուրդը: Դա կարեւոր նրբություն է»,-նշել է նա:

Պատասխանելով ՀՀ-ում արեւմտամետ ՀԿ-ների հետ կապված դժգոհություններին՝ ՀՀ վարչապետը հիշեցրել է, որ այդ կազմակերպություններն աշխատել են նաեւ մինչ 2018 թվականը՝ իր իշխանության գալը: «Դրանք ստեղծվել են այն ժամանակ, երբ ոչ ոք ՀՀ կառավարության՝ ռուսամետ լինելու հարցում որեւէ կասկած չուներ: Այդ կազմակերպությունները ստեղծվել են Ռոբերտ Քոչարյանի, Սերժ Սարգսյանի իշխանության օրոք: Եթե նրանք այդքան ռուսամետ էին, ինչո՞ւ չփակեցին այդ կազմակերպությունները»,-նշել է Փաշինյանը:

Փաշինյանը հարցազրույց է տվել Երեւանում հայ-ադրբեջանական սահմանին հուլիսի 12-ին սկսված սրումից հետո:    

Մարգարիտա Սիմոնյանը՝ ՀՀ իշխանություններին. Դուք ուղղակի աղաղակող պոլիտիկանների կույտ եք 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տավուշի դեպքերի ժամանակ զոհված Սոս Էլբակյանի անունով փողոց է անվանակոչվել Մարմաշենում
2020 թվականի հուլիսյան մարտերին հայ-ադրբեջանական սահմանին մահացու…
Ֆրանսիայում տեղի է ունեցել հայ ցուցարարների վրա հարձակված թուրքերի դատական 1-ին նիստը
Փաստաբանը նշել է, որ Չեթինն ընդունել է իր սխալն ու դադարեցրել է քաղաքական բոլոր գործունեությունները...
Մենք ականատես ենք եղել Ադրբեջանում Թուրքիայի ռազմական ներկայության տարրերի. ԱԳ նախարար
Աշխարհի բոլոր երկրները շատ զգույշ են եղել՝ չխթանելու էսկալացիայի հետագա սրացում, և միայն Թուրքիան էր, որ ցուցաբերում էր շատ միակողմանի մոտեցում…
Ռոբերտ Քոչարյան. «Ակն ընդ ական» սկզբունքը միշտ է գործում առաջնագծում
«Հուլիսյան բախումների մասշտաբներն ինքնին մեծ չէին, նույնիսկ անհամեմատելի էին 2016-ի իրադարձությունների հետ, սակայն ավելի մեծ գործողությունների վերաճման սպառնալիք միշտ կա...
Դաշնակցությունը Հայոց բանակի եւ սահմանապահ գյուղերի կողքին է․ ՀՅԴ Բյուրոյի ներկայացուցչի ուղերձը
Անցած ամիս Տավուշի շրջանի վրա Ադրբեջանի կատարած հարձակումից հետո, բնականաբար, անհրաժեշտ էր, որ...
Ռազմական անվտանգության ապահովումն օրախնդիր է. չպետք է իլուզիաներով տառապենք. քաղաքագետ
Թուրքիայի ռազմական ներկայությունն ուղղակիորեն կապված է նաև Հայաստանի ռազմական անվտանգության հետ...