Տնտեսական աճի վերաբերյալ մեր վերջին կանխատեսումով անկումը 4 տոկոս էր, այս պահին այդ կանխատեսումը չի փոխվել: Այս մասին, այսօր՝ հուլիսի 28-ին, լրագրողների հետ հանդիպման ժամանակ նշեց Կենտրոնական բանկի նախագահ Մարտին Գալստյանը:
«Այո, 4 տոկոս անկում ենք կանխատեսում, բայց նաեւ մի հետաքրքիր բան ենք արձանագրել, որ արդյունաբերության անկման տեմպերը ավելի թույլ են, քան մենք կանխատեսել էինք: Դա կապված է մեր արտահանման թվերի, հանքահումքային արդյունաբերության հետ:
Մենք նաեւ կանխատեսում էինք, որ տրանսֆերտների թիվը ցածր կլինի, բայց ի զարմանս մեզ, հունիսին տրանսֆերտների թիվը եղավ մի քիչ ավելի ավելի, քան նախորդ տարվա հունիս: Դա մեզ թույլ է տալիս սպասել, որ տնտեսական ամենածանր վիճակը, որ մենք ունեցանք ապրիլին, որոշակիորեն դրական առումով փոխվեց մայաիսին, ապա նաեւ հունիսին: Սպասենք տեսնենք, թե թվերն ինչ կլինեն»,-ասաց նա:
