Այս տարի վարկային պորտֆելի աճը կազմել է 200 մլրդ դրամ, որոնց մի մասը ֆիզիկական անձանց տրվող վարկերն են: Այս մասին այսօր՝ հուլիսի 28-ին, լրագրողների հետ զրույցում նշեց ԿԲ նախագահ Մարտին Գալստյանը:
«Այդտեղ տոկոսադրույքների փոփոխություն չենք նկատում: Երկրորդ մասում զգալի տեսակարար կշիռ ունենք կառավարության օժանդակության ծրագրերով տրամադրված վարկային միջոցները, որոնք դժվար է անվանել շուկայական տոկոսադրույքով տրված վարկեր, քանի որ կառավարությունն էապես օժանդակում է: Իրենց ծավալը մոտ 90 մլրդ դրամի կարգի է»,-ասաց նա:
Դիտարկմանը, որ րդյունաբերության անկումը փոքր է շնորհիվ հանքահումքային րդյունաբերության, մտավախություն չկա՞, որ ասենք պղնձի գները կնվազեն եւ Հայաստանը լուրջ խնդիրներ կունենա, ԿԲ նախագահն արձագանքեց. «Այս պահին մտավախություններ չկան, որ բազային մետաղների գների անկում կլինի, որովհետեւ Չինաստանում իրավիճակը բարվոք է, աշխարհում էլ տնտեսությունները գնում են ավելի բացման»:
