Խաղաղ հավաքների անցկացման արգելքը պետք է դիտարկվի որպես ծայրահեղ միջոց: Այս մասին հայտարարել է մարդու իրավունքների հարցերով ՄԱԿ հանձնաժողովը, հաղորդում է ՏԱՍՍ-ը:
Հանձնաժողովը պարզաբանել է, որ վերջին իրադարձությունները, ներառյալ՝ կորոնավիրուսի պանդեմիան, աննախադեպ խնդիրներ են ստեղծել 21-րդ հոդվածի իրականացման համար, որում ճանաչվում է խաղաղ հավաքների իրավունքը:
Մեկնաբանության մեջ ասվում է, որ իշխանությունները պետք է նման հավաքներին այս կամ այն անձանց մասնակցության հետ կապված սահամանափակումների մասին որոշում ընդունեն անհատական հիմքով: նշվում է, որ առողջության պաշտպանության մոտիվները կարող են կիրառվել հավաքների սահմանափակման համար բացառիկ դեպքերում, մասնավորապես, երբ հիվանդության բռնկում կա, եւ հավաքները վտանգ են ներկայացնում:
«Յուրաքանչյուրը, ներառյալ՝ երեխաներ, արտասահմանցիներ, կանայք, ներգաղթյալներ, ապաստարան խնդրող մարդիկ, կարող են օգտվել խաղաղ հավաքների իրավունքից»,-ասել է հանձնաժողովի հատուկ զեկուցող Քրիստոֆ Հեյնսը:
