News
Լրահոս
News
Շաբաթ
Մայիս 15
USD
522.48
EUR
632.67
RUB
7.06
ME-USD
0
Տեսնել լրահոսը

ԱՄՆ Կոնգրեսի իրավաբանական կոմիտեի լսումներում Amazon-ի, Facebook-ի, Apple-ի եւ Google-ի ղեկավարները ավելի քան 5 ժամ պատասխանել են թշնամաբար տրամադրված կոնգրեսականների հարցերին, փոխանցում է NV-ն: 

Մարկ Ցուկերբերգը (Facebook), Թիմ Քուկը (Apple), Սունդար Փիչաին (Google) եւ Ջեֆ Բեզոսը լսումներին մասնակցել են տեսակապով: Նրանք առաջին անգամ էին համատեղ շփվում կոնգրեսականների հետ: Տեխնոլոգիական հսկաների ղեկավարները պատասխանում էին հարցերի՝ կապված նրանց կողմից ոչ մրցակցային պրակտիկաների օգտագործման վերաբերյալ հետաքննության հետ: Կոմիտեի հետաքննությունը ցույց է տվել, որ այս ընկերությունները չարաշահում են իրենց իշխանությունը:

Wall Street Journal-ը նշում է, որ գրեթե բոլոր հարցերի հնչերանգը թշնամական էր: Կոնգրեսականները անընդհատ ընդհատել են Amazon-ի, Facebook-ի, Apple-ի եւ Google-ի ղեկավարներին:

«Մեր հիմնադիրները չեն խոնարհվել թագավորներին: Մենք նույնպես չպետք է խոնարհվենք առցանց տնտեսության կայսրերին»,- նիստը բացելով՝ հայտարարել է Ներկայացուցիչների պալատի անդամ Դեւիդ Սիցիլինը (Դեմոկրատական կուսակցություն):

Նա շեշտել է, որ այս ընկերությունները հավաքում են միցակիցների մասին տվյալներ, որ պաշտպանեն իրենց դիրքը, կանխում են մրցակցությունը՝ գնելով մյուս խաղացողներին եւ պատճենելով նրանց արտադրանքները: «Պայմաններ թելադրելու, ամբողջական հատվածներ կործանելու եւ վախ ներշնչելու նրանց ունակությունը նման է մասնավոր կառավարության լիազորությանը»,- ասել է Սիցիլինը:

Հարցերն առնչվել են շատ թեմաների՝ սոցցանցերում գրառումների մոդերացիայից մինչեւ այն, թե ընկերություններն ինչ ճանապարհով են նվաճել շուկաների մեծ բաժինը: Թիմ Քուկի բախտը մյուսներից ավելի շատ է բերել՝ նրան ավելի քիչ են հարցեր տվել:

Ցուկերբերգին շատ են քննադատել այն պատճառով, որ ընկերությունը գնում է մրցակիցներին (մասնավորապես՝ Instagram-ը), թույլ է տվել 2016 թվականի ընտրություններին Ռուսաստանի միջամտությունը եւ չի փոխում մոդերացիայի կանոնները: Կոնգրեսում լսումների առաջին անգամ մասնակցող Բեզոսին ներկայացվող հիմնական պահանջն էր այն, որ նա տեղեկություններ է ստանում հաջողակ ընկերությունների եւ արտադրանքների մասին եւ դրանք պատճենում է՝ ստեղծելով իր արտադրանքները: Փիչաիին մեղադրում էին այն բանի համար, որն Google-ը տվյալներն օգտագործում է մրցակցությունը ճնշելու համար, հարստանում է գովազդով եւ որոնումը ձեռքով է խմբագրում: Apple-ին քննադատել են App Store-ում չարաշահումների համար:

Տեխնոլոգիական ընկերությունների ղեկավարներն ի պատասխան հայտարարել են, որ ձգտում են քաղաքականապես չեզոք մնալ եւ կենտրոնանալ սպառողներին սպասարկելու հարցերի, այլ ոչ թե մրցակիցների հետ պայքարի վրա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Google Chrome բրաուզերը ավելի արագ կբացի կայքերը
BFcache գործառույթն արդեն արդարացրել է իրեն Android-ի համար ստեղծված բրաուզերի տարբերակում, սակայն դրա օգտագործման հետ որոշ առանձնահատկություններ են կապված․․․
Հայտարարվել է Apple AirPods նոր ականջակալների թողարկման ամսաթիվը
Ականջակալները հասանելի կդառնան արդեն մայիսի 18-ին...
Կազմվել է հանրահայտ մեսենջերների «գաղտնիության» վարկանիշը
App Privacy բաժնի տվյալները թույլ են տվել կազմել մեսենջերների վարկանիշը՝ ըստ նրանց կողմից հավաքվող տեղեկատվության ծավալի․․․
Խաչատուր Փոմբուխչյանը կդառնա «Մեգաֆոն»-ի գլխավոր տնօրեն
«Խաչատուր Փոմբուխչյանն ընկերությունը կզարգացնի նոր պայմաններում եւ իրողություններում, որոնցում այն հայտնվել է 2020 թվականից հետո...
Huawei P50-ի դիզայնը բացահայտվել է սմարթֆոնի թողարկումից առաջ
Տարբերակիչ առանձնահատկություն կլինեն սմարթֆոնի հետեւում երկու հսկայական շրջանակները․․․
Իտալիայի կարգավորիչը Google-ին տուգանել է 102 միլիոն եվրոյով
Կարգավորողը Google-ին խնդրել է JuicePass-ը հասանելի դարձնել Android Auto-ում...
Ամենաշատ