News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը

Նախիջեւանը ապօրինի պայմանագրով Հայաստանից վերցվեց եւ տրվեց մեկ այլ պետության, սա միջազգային իրավունքի ամենակոպիտ խախտումն է, երբ միջազգային իրավունքի երկու ենթականեր որոշում են ընդունում միջազգային իրավունքի երրորդ ենթակայի վերաբերյալ՝ առանց այդ երրորդի մասնակցության: Այս մասին այսօր՝ հուլիսի 31-ին, լրագրողների հետ հանդիպման ժամանակ ասաց ԱԻՄ առաջնորդ Պարույր Հայրիկյանը՝ խոսելով սահմանային լարվածության, զորավարժություններ սկսելու Նախիջեւանում, կորոնավիրուսային համաճարակի, ներքաղաքական իրավիճակի մասին:

«Մեր դիվանագիտական մեծագույն բացթողումն է սա, բայց ես դա կանվանեմ մեր ստրկամիտների, ԱԱԾ գործակալական ցանցի, նաեւ այսօրվա ռուսաստրուկների, որոնք «խոհեմորեն» ասում են՝ Ռուսաստանը մեր դաշնակիցն է: Էլի թող լինի դաշնակից, բայց նա պետք է միջազգային իրավունքներից բխող քո իրավունքների եւ նաեւ պարտավորությունների աջակիցը լինի»,-ասաց Հայրիկյանը:

Անդրադառնալով Նախիջեւանում թուրք-ադրբեջանական զորավարժություններին, ԱԻՄ առաջնորդն ասաց, որ ծավալուն զորավարժություններ սկսելը ոչ միայն մարտահրավեր է, այլեւ հետախուզություն, թե համաշխարհային հասարակական կարծիքն ինչ վերաբերմունք կդրսեւորի:

 «Թուրքիան եւ Ռուսաստանն իրենց «խուժան» պայմանագրով՝ ընդամենը երաշխավորն են Նախիջեւանի վերաբերյալ այդ պայմանագրի կատարման, բայց Նախիջեւանը ոչ նրանց սեփականությունն է, ոչ էլ մյուսի անտարբերության առարկան կարող է լինել, եթե պայմանագիր են կնքել: Ռուսաստանն ինքը պետք է ընդվզեր, քանի որ իրենց վերահսկողության տակ է: Այսկերպ Թուրքիան ուսումնասիրում է, որ եթե անմիջականորեն Հայաստանի հետ առնչվելու լինի՝ աշխարհն ինչ վերաբերմունք կդրսեւորի եւ աշխարհի լռությունը Հայաստանի իշխանիկների օգնությամբ, կարող է նաեւ հետագա արկածախնդրությունների առաջնորդել, որին մենք չենք նախապատրաստվում նաեւ ներքին պետական համակարգով: Շատ բաներ միջազգային հանրությունից է կախված, շատ բաներ էլ մեզանից»,- ասաց Հայրիկյանն ու հավելեց, որ բանակը միայն զորակոչված երիտասարդները չեն, այլ ամբողջ ազգն է: «Կիսապատերազմական, կամ պատերազմական իրավիճակում գտնվող երկրի իշխանությունների վերաբերմունքը պահեստազորի հարցին, ուղղակի դավաճանական է»,- ասաց նա:

Անդրադառնալով հակահամաճարակային գործողություններին Հայրիկյանը ասաց, որ ցանկացած գործողությունների արդյունավետության վերաբերյալ դատում են ըստ ստացված արդյունքների. «Քանի որ արդյունքները մնում են դեռեւս տխրեցնող, Հայաստանը վատ տեղերում է, կարող եմ ասել, որ իրեն չարդարացրեց, մեղադրել որեւէ մեկին չեմ պատրաստվում, ինձնից կախված ամեն բան արել եմ»,- ասաց Պարույր Հայրիկյանը:

Խոսելով ՀՀ երկրորդ նախագահ Ռոբերտ Քոչարյանի օրեր առաջ տված հարցազրույցի մասին, Հայրիկյանը նշեց, որ չի ցանկանա անդրադառնալ Քոչարյանի ելույթին, քանի դեռ նա մեղադրյալի կարգավիճակում է: «Երբ նա կլինի այլ կարգավիճակում, ես այն բացասականը, որ ասել եմ, հրապարակավ, կկրկնեմ: Ժամանակին ես բաց նամակ եմ ուղղել իրեն՝ դրականը չմոռանալով: Իսկ դրականը ես համարում եմ այն, որ սահմանադրական բարեփոխումների գործին նա իսկապես լուրջ վերաբերվեց եւ վստահեց ինչ-որ չափով չեզոք թիմի: Սակայն հետո եկավ երկրորդ փուլը, որից հետո նա տրվեց տրամադրություններին: Նա սկզբում եկել էր բավական առողջ եւ անաչառ դիրքորոշումներով, բայց…: Ես գործիչներին գնահատում եմ իրենց արած գործերով: Նրա գործերը Հայաստանը ժողովրդավարությունից հեռացնելու մեջ է մտնում»:

Հարցին, իսկ Արցախյան հաղթանակը արդյոք նրա ձեռքբերումը չէր, Հայրիկյանը նշեց, որ Արցախի հաղթանակը Ռոբերտ Քոչարյանով պայմանավորված չէ.«Նա մի օր չի նստել Արցախի անկախության համար, իսկ ովքեր նստել են ու պայքարել են, նրանց լավ եմ ճանաչում, դա եղել է միասնական պայքար եւ ես դա չեմ վերագրի Քոչարյանին»,- ասաց Հայրիկյանը:

!
Այս նյութը հասանելի է նաև   English
Տպել
Կարդացեք նաև
Ամբողջը
«Հրապարակ». Արցախցի գեներալները ռազմի դաշտում են
Հիշեցնենք, որ Բալասանյանն օրեր առաջ Երեւանում հանդիպումներ էր ունենում...
«Ոչ թե ես, այլ Ադրբեջանի նախագահն անձամբ է ինձ դիմել խնդրանքով». Փաշինյանը փակագծեր է բացել
Հա մի հանգամանք, որի մասին ես երկու տարի չէր խոսում կոռեկտությունից ելնելով, բայց հաշվի առնելով Ադրբեջանի նախագահի անհասկանալի պահվածքը, կարծում եմ՝ ճիշտ ժամանակն է այդ մասին…
Արցախում 50-ն անց էքսկավատավարներին, կռունկավարներին, բուլդոզերավարներին ներկայանալ քաղաքաշինության նախարարություն
Արցախի քաղաքաշինության նախարարությունը կոչ է անում ԱՀ տարածքում...
Գիշերը մարտական գործողությունները շարունակվել են, մեր ԶՈւ-երը ունեն նշանակալի հաջողություններ. Արծրուն Հովհաննիսյան
Սակայն դեռ հանգիստ չէ, մարտերը շարունակվում են, որոշ տեղերում հրետանային մենամարտեր են...
Այս պատերազմում ամեն մեկս զինվոր ենք. Զարեհ Սինանյանը համախմբման կոչով դիմել է հայ ժողովրդին
Սիրելի՛ քույրեր և եղբայրներ, թշնամին դարձյալ պատերազմ է հայտարարել հայ ժողովրդին` հարձակում գործելով մեր հայրենի Արցախի...
Ես գիտեմ, որ լինելու են հարցեր՝ արդյո՞ք կարող էինք խուսափել այս իրավիճակից․ Նիկոլ Փաշինյան
Եթե ոչ ինքնավար մարզ, ապա միգուցե մի փոքր ավելի լիազորություններով...
Ամենաշատ