ԱՄՆ կառավարությունը կվճարի 2,1 մլրդ դոլար Sanofi SA ու GlaxoSmithKline Plc ընկերություններին COVID-19-ի դեմ պատվաստանյութի համար, հաղորդում է Reuters-ը։
Այդ վճարումն ամենախոշորն է Սպիտակ տան բոլոր նախաձեռնություններից, որոնք ուղղված են COVID-19-ի դեմ պայքարում պատվաստանյութերի եւ բուժման մեթոդների հասանելիության մեծացմանը։
Sanofi-GSK գործարքը նախատեսված է 100 միլիոն չափաբաժնի համար՝ յուրաքանչուրին երկուական բաժին, եւ կառավարությանը հնարավորություն է տալիս ձեռքբերել լրացուցիչ 500 միլիոն չափաբաժին նշված գնով։ Sanofi SA-ն եւ GSK-ը նախատեսում են սկսել պատվաստանյութի կլինիկական փորձարկումներն արդեն սեպտեմբերին։
Sanofi-ի գործադիր տնօրեն Կլեմենտ Լեւինը հայտարարել է, որ ընկերությունը դեռեւս չի պայմանավորվել կառավարության հետ լրացուցիչ չափաբաժինների գնի շուրջ։