News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

Լեհաստանի մրցակցության եւ սպառողների իրավունքների պաշտպանության գրասենյակը (UOKiK, Urząd Ochrony Konkurencji i Konsumentów) տուգանել է «Գազպրոմ»-ին 213 միլիոն զլոտիի չափով, ինչը համարժեք է 50 միլիոն եվրոյի, հայտնում են հակամենաշնորհային գերատեսչությունից:

Նման մեծ տուգանքի կիրառման պատճառը «Գազպրոմ»-ի հրաժարվելն էր UOKiK- ին տրամադրել կարգավորիչի կողմից պահանջվող տվյալներն իր դուստր ձեռնարկության` Nord Stream 2-ի կողմից «Հյուսիսային հոսք-2» գազատարի շինարարությունը ֆինանսավորող եվրոպական ընկերությունների հետ կնքած պայմանագրերի վերաբերյալ:

2019 թվականի նոյեմբերին ֆրանսիական Engie ընկերությունը տուգանվել էր 172 միլիոն զլոտիի չափով, քանի որ մերժել էր տրամադրել պահանջվող փաստաթղթերը «Հյուսիսային հոսք-2» գազատարի կառուցման նախագծին մասնակցության վերաբերյալ: Այդ ժամանակ UOKiK-ն այդ տուգանքն ամենամեծն անվանեց իր պատմության մեջ, սակայն «Գազպրոմ»-ից պահանջել են ավելի մեծ գումար վճարել:

«Չնայած UOKiK-ի նախագահի հետ համագործակցելու օրինական պարտավորությանը` ընկերությունն անհրաժեշտ տեղեկատվությունը չէր տրամադրել նույնիսյ մայիսին համագործակցության բացակայության պատճառով գործի հարուցումից հետո, ինչը պետք է որ նախազգուշական ազդանշան լիներ ընկերության համար: Իմ կարծիքով` սա կանխամտածված գործողություն էր, որի նպատակը դատաքննության ընթացքին միջամտելն էր: Այս կապակցությամբ որոշվել է տուգանք կիրառել «Գազպրոմ»-ի նկատմամբ գրեթե 213 միլիոն զլոտիի չափով: Սա օրենքով սահմանված առավելագույն պատժամիջոցն է, որը նախատեսված է UOKiK-ի նախագահի պահանջով` տեղեկատվություն չներկայացնելու համար, որը համարժեք է 50 միլիոն եվրոյի»,- ասել է UOKiK-ի ղեկավար Տոմաշ Խրուստնին:

UOKiK- ը հայտարարության մեջ նշվում է, որ «Գազպրոմ»-ը մտադրություն չունի Լեհաստանին փոխանցել գազի փոխանցման, բաշխման, վաճառքի, մատակարարման եւ պահպանման պահանջվող պայմանագրերը: Լեհական կարգավորիչը դրա ապացույց է համարում այն փաստը, որ «Գազպրոմ»-ը ամապատասխան տեղեկատվության համար չի դիմել Ռուսաստանի էներգետիկայի նախարարություն, փոխանցում է ՌԲԿ-ն:

Հակամենաշնորհային վարչությունում հիշեցրել են, որ Լեհաստանի օրենսդրությունը այլ երկրների ընկերություններին պարտավորեցնում է համագործակցել UOKiK-ի հետ, այդ թվում` տեղեկատվություն եւ փաստաթղթեր տրամադրելը, ինչպես նաեւ` ստանալ կարգավորիչի ղեկավարի համաձայնությունը «համակենտրոնացման» համար: «Գազպրոմի»-ի, Engie-ի, Uniper-ի, OMV-ի, Shell-ի եւ Wintershall-ի կողմից Nord Stream 2-ի շինարարությունը ֆինանսավորելու մասին համաձայնագրի ստորագրումը օրենքով նախատեսված կարգի խախտում է համարվում UOKiK-ում: Դրա կապակցությամբ գերատեսչության կողմից պահանջներ են ներկայացվել բոլոր վեց ընկերություններին: UOKiK-ում հավաստիացրել են, որ Uniper-ը, OMV-ն, Shell-ը եւ Wintershall-ը համագործակցում են գերատեսչության հետ, այդ թվումփոխանցում են դրանցից պահանջվող փաստաթղթերը եւ տեղեկատվությունը:

««Գազպրոմ»-ի պահվածքը, անկասկած, բարդացրել է մեր հետաքննությունը, սակայն ռուսական ընկերությանը չհաջողվեց այն արգելափակել: Մենք ունենք բավարար ապացույցներ եւ ավարտում ենք մեր վերլուծությունը: Դա նշանակում է, որ մենք ավելի ու ավելի ենք մոտենում UOKiK նախագահի համաձայնության «Հյուսիսային հոսք 2» գազատարի ֆինանսավորման համար պատասխանատու կոնսորցիումի ստեղծման գործով նախադեպային քննության ավարտին»,- ասել է Խրուստնին:

Լեհաստանի օրենսդրության համաձայն` առանց UOKiK- ի համաձայնության «համակենտրոնացման» արգելքը խախտելու համար տուգանքը կարող է կազմել տարեկան շրջանառության մինչեւ 10 տոկոսը: Բացի այդ, շուկայում մրցակցությունը վերականգնելու նպատակով UOKiK-ը կարող է որոշում կայացնել լուծարել ընկերությունը, որի նկատմամբ հակամենաշնորհային կանոնների խախտողները համատեղ վերահսկողություն են իրականացնում, կամ վաճառելհսկողություն ապահովող բաժնետոմսերը` ամբողջությամբ կամ մասնակիորեն:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հերհերում Հայաստանում ամենամեծ արեւային կայաններն են կառուցվում՝ ընդհանուր 20 մեգավատ հզորությամբ (ֆոտո)
Ծրագիրն իր տեխնիկական պարամետրերով բավական գրավիչ էր եւ երիտասարդ սեփականատերերի մոտեցումները մեր համար ընդունելի էին...
Սաուդյան Արաբիան ուրանի բավարար պաշարներ ունի` ներքին միջուկային վառելիքի արտադրություն սկսելու համար
Երկիրն ունի պաշարներ, որոնք թույլ կտան ավելի քան 90.000 տոննա ուրան դուրս բերել երկրի կենտրոնում եւ հյուսիս-արևմուտքում գտնվող երեք խոշոր հանքավայրերից...
Քննարկվել է ՀԱԷԿ-ի 2-րդ էներգաբլոկի շահագործման ժամկետի կրկնակի երկարացման հարցը
Քննարկվեցին 2020 թվականի ընթացքում ՀԱԷԿ-ի թիվ 2 էներգաբլոկի Շահագործման ժամկետի երկարացման...
Արթիկում սկսվել է արևային կայանի շինարարության գործընթացը
Ծրագրի շրջանակներում Արթիկում՝ կկառուցվի 600 կՎտ հզորությամբ համակարգային արևային ֆոտովոլտային կայան՝ համայնքի էներգետիկ խնդիրները...
Գերմանիան միլիարդ եվրո է առաջարկել ԱՄՆ-ին` «Հյուսիսային հոսք-2»-ի փրկության համար. ԶԼՄ-ներ
«Ի պատասխան` ԱՄՆ-ն թույլ կտա առանց խոչընդոտների ավարտել «Հյուսիսային հոսք 2»-ի շինարարությունն ու շահագործումը...
Նախատեսվում է ԲելԱԷԿ-ի գործարկումը նվիրել նոյեմբերի 7-ին․ Լուկաշենկո
Գլխավոր կապալառուն է «Ռոսատոմ» պետական կորպորացիան․․․