News
Լրահոս
News
Ուրբաթ
Մարտ 29
Տեսնել լրահոսը


գՀՀ երկրորդ նախագահ Ռոբերտ Քոչարյանի եւ մյուսների գործով դատական նիստում շարունակվում է պաշտպանության կողմի միջնորդության քննարկումը:

Հիշեցնենք, որ նախորդ նիստին պաշտպանության կողմը միջնորդել է Ռոբերտ Քոչարյանի եւ Արմեն Գեւորգյանի գույքի վրա դրված կալանքը հանելու մասին: Փաստաբաններն այդ միջնորդությունը հիմնավորել են նրանով, որ քննչական մարմինը գույքի կալանքի հիմքում է դրել քաղաքացիական հայցի եւ դատական ծախսերի ապահովման նպատակը, այնինչ քաղաքացիական հայց ներկայացված չէ։ Դատախազությունն, իր հերթին, առարկել է միջնորդություններին, իսկ դատավոր Աննա Դանիբեկյանն էլ պաշտպանական կողմից պահանջել է արգելքի տակ գտնվող գույքի եւ բանկային հաշիվների վերաբերյալ ամբողջական տեղեկություն տրամադրել։   

Շարունակելով ներկայացնել պաշտպանության դիրքորոշումը՝ փաստաբան Հայկ Ալումյանը հիշեցրեց, որ հարցն արդեն քննարկվել է վերաքննիչ ատյանում, որտեղ բերվել են այն բոլոր հիմնավորումները, որոնք բերվել են անցած նիստին:   

2018 թվականի հուլիսին գույքի վրա կալանք դնելու մասին որոշման ընդունման դրույթով՝ Քոչարյանը մեղադրվում էր 300.1-րդ հոդվածով, որը նման սանկցիա չէր նախատեսում, իսկ հոդվածը, որը նախատեսում է նման սանկցիա, առաջադրվել է նախկին նախագահին կես տարի անց: Դատախազությունը, Ալումյանի խոսքով, կրկնում է ավելի վաղ արված եզրակացությունները, որոնք մերժվել են բոլոր ատյանների կողմից: «Եզրակացություններ են արվում, որոնք զուրկ են առարկայականությունից»,-նշեց փաստաբանը: Միեւնույն ժամանակ, նա նշեց, որ դատարանը պաշտպանությունն է հանձնարարել գույքի գնահատման հարցը, սակայն այդ լիազորությունները պաշտպանությունը չունի: Ավելի վաղ Վերաքննիչ դատարանը վճռել է, որ գնահատական պետք է տա քննչական մարմինի կողմից ներկայացված մասնագետը: Այդպիսով, քննության կողմից դրված կալանքը դատարանը ճանաչում է ոչ իրավաչափ, իսկ դատարանը որոշումը կատարելու փոխարեն քննարկում է՝ արդյոք պետք է կատարի, թե՝ ոչ՝ շարունակեց փաստաբանը: «Որոշում եք գույքի արժեքն ու փորձում սահմանել, թե որ մասը պետք է կալանքի տակ թողնել, ընդ որում, հանձնարարում եք պաշտպանությանը գնահատական տալ: Այսինքն, դատարանը՝ պաշտպանությանը ստիպելով գնահատական տալ, փորձում է կասկածի տակ դնել այնպիսի հիմնարար սկզբունք, ինչպիսին է ինքն իր դեմ ցուցմունք չտալը»,-հավելեց Ալումյանը՝ դատարանի փորձերն անօրինական անվանելով: Արդյունքում փաստաբանը նշեց, որ ինքն իր դեմ ցուցմունք տալուց հրաժարվելը չի կարող օգտագործվել մեղադրյալի դեմ:    

Արմեն Գեւորգյանի փաստաբան Էրիկ Ալեքսանյանը եւս հրաժարվեց տվյալներ ներկայացնել գույքի արժեքի մասին՝ ներկայացնելով նույն փաստարկները, ինչը որ ներկայացրեց Հայկ Ալումյանը: Ինչպես նշեց փաստաբանը, քննիչը, որի պարտականությունների մեջ է մտնում գույքի գնահատումը, դա չի արել: «Կա իրավունքի խախտում, այն վերաբերում է կարեւորագույն իրավունքներից մեկին՝ սեփականության իրավունքին: Այն պետք է անհապաղ վերացվի»,-հայտարարեց փաստաբանը:

Դատախազ Պետրոս Պետրոսյանը հաստատեց ավելի վաղ արտահայտած տեսակետը: Տուժած կողմի ներկայացուցիչները, որոնք բացակայում էին նախորդ նիստին, անհամաձայնություն հայտնեցին միջնորդության եւ պաշտպանության կողմի փաստարկների հետ:   

Տուժած կողմի ներկայացուցիչ  Սեդա Սաֆարյանը հայտնեց, որ մտադիր է քաղաքացիական հայց ներկայացնել:

Ամփոփելով արդյունքները՝ փաստաբան Ալումյանը նշեց իրավական նոնսենսը. դատախազ Պետրոսյանը ճանաչեց քննիչի որոշման անօրինականությունը, սակայն պնդեց, որպեսզի որոշման գործողությունը շարունակվի: «Այսինքն, պարոն Քոչարյանի գույքը մնում է կալանքի տակ անօրինական որոշման արդյունքում»,-նշեց փաստաբանը: Նա հիշեցրեց Վերաքննիչ դատարանում դատախազի խոսքը, ով վստահեցրել էր, որ կալանքը դրվում է՝ սպասելով քաղաքացիական հայցին եւ դատական ծախսերի փակմանը, իսկ բռնագանձման հարցը զուրկ է օբյեկտիվությունից: Այժմ մեղադրանքն ասում է. «եկեք գույքը թողնենք կալանքի տակ, քանի որ դատավարության արդյունքով կարող է բռնագանձման մասին որոշում ընդունվել»: «Այստեղ պետք է լինեն օրենքով մանիպուլացման ինչ-որ շրջանակներ»,-նշեց Հայկ Ալումյանը:   

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյանի և նրան փոխկապակցված 7 անձի գույքերի նկատմամբ կիրառվել է հայցի նախնական ապահովման միջոց
Գլխավոր դատախազության ապօրինի ծագում ունեցող գույքի բռնագանձման...
 «Սիլվայի գործով» նիստը հետաձգվեց մինչեւ ապրիլի կեսը
Մարտի 7-ի նիստին առողջական պատճառներով բացակայում էր ՀՀ երկրորդ նախագահ Ռոբերտ Քոչարյանը․․․
«Սիլվայի գործով» դատավորը մերժեց թարգմանչին բացարկ հայտնելու միջնորդությունը
Հրապարակելով որոշումը՝ դատավորը անցավ նիստին եւ թարգմանչին առաջարկեց․․․
«Սիլվայի գործով» դատավորը քննում է թարգմանչին բացարկ հայտնելու մասին միջնորդությունը
Նիստին ներկայացվել էր անգլերենից այնպիսի սարսափելի որակի թարգմանություն, որ թարգմանիչ հրավիրելու․․․
«Սիլվայի գործով» նիստին երկրորդ տեխնիկական ընդմիջումը հայտարարվեց
Ալումյանը ժամանակ խնդրեց՝ բացարկի մասին որոշում կայացնելու համար․․․
«Սիլվայի գործով» նիստը սկսվեց տեխնիկական ընդմիջումով
Պատճառը ՀՀ երկրորդ նախագահ Ռոբերտ Քոչարյանի բացակայությունն էր․․․
Ամենաշատ