Գամալեայի ազգային հետազոտական կենտրոնը պլանավորում է հաջորդ տարվա հունվար-փետրվար ամիսներին սկսել COVID-19-ի դեմ պատվաստանյութի փորձարկումները երեխաների վրա, հայտնում է «ՌԻԱ Նովոստի»-ին հայտնել է կենտրոնի տնօրեն Ալեքսանդր Գինցբուրգը:
«Մենք այժմ սկսել ենք աշխատել փաստաթղթերի ուղղությամբ, քանի որ ինստիտուտը երեխաների վրա երբեք փորձարկումներ չի անցկացրել... Մանկաբույժները գիտեն այդ առանձնահատկությունները, եւ նրանց հետ միասին մենք այժմ փաստաթղթերի փաթեթ ենք գրում, որոնք կներկայացնենք առողջապահության նախարարությանը, որպեսզի հնարավոր լինի փորձարկումներ անցկացնել երեխաների վրա, բայց միայն այն բանից հետո, երբ կավարտենք բոլոր հետազոտությունները մեծահասակների վրա»,- ասել է Գինցբուրգը:
Ըստ նրա` փորձարկումները կսկսվեն ձմռանը, քանի որ մեծահասակների վրա կորոնավիրուսի դեմ պատվաստանյութի փորձարկումների երրորդ փուլը կտեւի մոտ հինգ ամիս: Դրան կմասնակցի մոտ երկու հազար հիվանդ:
