Կառավարության հետ երկար բանակցություններից հետո մենք որոշում կայացրեցինք, որ Աջափնյակում մետրոյի կայարանը կառուցելու է պետությունը, եւ քաղաքապետի գրասենյակն ակտիվ մասնակցություն կունենա: Այս մասին օգոստոսի 4-ին լրագրողների հետ հանդիպման ժամանակ հայտնեց Երեւանի քաղաքապետ Հայկ Մարությանը:
Ըստ նրա` քաղաքային իշխանությունները ստանձնել են մրցույթի կազմակերպման աշխատանքները: «Այժմ երկաստիճան մրցույթ է մշակվում, գրվում են պայմանները»,- պարզաբանեց քաղաքապետը:
Նշենք, որ մետրոյի կառուցման նախագիծն առեւտրի կենտրոնի կառուցում եւ հարակից տարածքում հնացած բնակարանային ֆոնդի նորացում է ենթադրում:
