News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը միջնորդեց վկայի կարգավիճակով իրավահաջորդների եւ տուժողների հարցաքննության մասին:

Նա հիշեցրեց, որ մարտի 1-ի իրադարձությունների եւ մարդկանց մահվան փաստով քրեական գործեր են հարուցվել, որոնք հետագայում միավորվել են զանգվածային անկարգությունների մասին գործում: Մի քանի հարյուրավոր անձինք տուժող են ճանաչվել: Դրանք անձինք են, ովքեր իրադարձությունների ընթացքում մարմնական վնասվածքներ են ստացել,նրանցից մի քանիսը նյութական վնաս է կրել:

2018 թվականին եւս մի քանի քրեական գործ է հարուցվել, դրանք եւս միավորվել են ընդհանուր գործում: Գործերի այդ խումբը վերաբերում է պաշտոնական անձանց, ովքեր մեղադրվում են սահմանադրական կարգի տապալման, լիազորությունների չարաշահման մեջ:  

2018-ի հոկտեմբերի 1-ի դրությամբ բոլոր այդ գործերը միավորվել են ընդհանուր գործում: 288 տուժողներից 227-ը ընդհանուր գործով տուժող է ճանաչվել: Զոհվածների հարազատները ճանաչվել են իրավահաջորդներ 62202608 ընդհանուր գործով:

Ավելի ուշ դրանից առանձին վարույթ է ընդունվել նախկին նախագահ Ռոբերտ Քոչարյանի եւ մյուսների նկատմամբ գործը՝ գործ համար 62202919: Տուժողները եւ իրավահաջորդները պահպանել են իրենց կարգավիճակը ընդհանուր 62202608 գործով, եւ 62202919 գործով ոչ մի կերպ չեն անցնում: Այն միտքը, որ նրանք չեն անցնում այդ գործով, հնչեցվել է դատախազության ներկայացուցիչների կողմից: Սակայն 62202919 գործով տուժողների ցուցակում են 10 զոհվածների եւ 102 տուժողների իրավահաջորդները: Անհասկանալի է, թե ինչ չափանիշներով են ընտրվել 102-ը, իսկ մնացածը չեն ընտրվել:

Փաստաբանը հիշեցրեց, որ ցուցակներում ներառվածները որեւէ կապ չունեն մեղադրանքի երկրոդ մասի՝ կաշառք ստանալու հետ: Ինչ վերաբերում է առաջին մասին՝ սահմանադրական կարգի տապալմանը, ոտնձգության միակ օբյեկտ կարող է լինել սահմանադրական կարգը, եւ դրա հետեւանքները վերաբերում են ՀՀ բոլոր քաղաքացիներին:

Մահվան հանգամանքներն ու իրադարձությունների հետեւանքները դիտարկվում են ՀՔԾ-ում հետաքննվող 62202608 գործի շրջանակում: Այն փաստը, որ քննիչը նրանց ներառել է ցուցակներում, նրանց 62202919 գործով տուժողի կամ իրավահաջորդի կարգավիճակ չի տալիս: Փաստաբանը հավելեց, որ իրավական առումով 62202919 գործով ցուցակում ներառված տուժողները ոչնչով չեն տարբերվում 62202608 գործով մնացած տուժողներից:

Փաստաբանը դատարանին ներկայացրեց 102 անուններ, որոնք ներառված են այդ գործով տուժողների ցուցակում եւ խնդրեց նրանց ներառել վկաների ցուցակում:    

Փաստաբանները համաձայնեցին իրենց գործընկերոջ հետ: Դատախազ Գեւորգ Բաղդասարյանը նկատեց, որ միջնորդության անվանումը չի համապատասխանում բովանդակությանը, քանի որ իրականում խոսքը ոչ թե ցուցակի, այլ կարգավիճակի փոփոխության մասին է: Նա հայտարարեց, որ տուժողներից վնաս է հասցվել դատապարտյալների ենթադրյալ գործողությունների արդյունքում, այդ պատճառով նրանք պետք է տուժողի կարգավիճակ ունենան: Դատախազ Պետրոս Պետրոսյանը նշեց, որ կարգավիճակի փոփոխության հարցը կարող է քննարկվել համապատասխան փուլում: Տուժող կողմի ներկայացուցիչները միջնորդությւոնն անհիմն համարեցին:

Հաջորդ նիստը կկայանա օգոստոսի 11-ին ժամը 13:00-ին:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռոբերտ Քոչարյանի փաստաբանը միջնորդեց նոր ապացույցներ պահանջելու վերաբերյալ
ՀՀ երկրորդ նախագահ Ռոբերտ Քոչարյանի գործով դատարանը, վերադառնալով հերթական կարճ դադարից հետո, սկսեց նոր ապացույցներ պահանջելու միջնորդագրի քննությունը...
Ռոբերտ Քոչարյանի փաստաբանը միջնորդել է անթույլատրելի ճանաչել քննիչ Մուշեղյանի կողմից ձեռք բերված ապացույցները
Ըստ Հովհաննես Խուդոյանի` քննիչ Մուշեղյանը բազմաթիվ կոպիտ եւ ակնհայտ խախտումներ է թույլ տվել նյութերի հավաքման ընթացքում...
Ռոբերտ Քոչարյանի եւ մյուսների գործով դատավորը հետաձգեց փորձաքննություն անցկացնելու մասին միջնորդության քննությունը
Երկու դատախազն էլ դեմ էին այս փուլում փորձաքննության անցկացմանը․․․
Ռոբերտ Քոչարյանի եւ մյուսների գործով դատախազները համաձայն չեն փաստաբանների փաստարկներին
Եթե պաշտպանական կողմը կոնկրետ տվյալներ ունի, նրան ոչ ոք չի զրկում կոնկրետ նյութն ուսումնասիրելու համար պահանջելու իրավունքից․․․
«Ես կխնդրեմ արեւի տակ չկանգնել եւ գնալ տուն». Ռոբերտ Քոչարյանը դատարանի բակում հանդիպեց իր աջակիցների հետ
Աջակիցները նրան դիմավորեցին ծափահարություններով եւ «Քոչարյան հերոս» վանկարկումով…
Երեւանում շարունակվում է Ռոբերտ Քոչարյանի եւ մյուսների գործով դատական ​​նիստը
Որ դատարանի նախորդ նիստին փաստաբանները միջնորդություններ էին ներկայացրել 2008 թվականի մարտի 1-ի դեպքերի վերաբերյալ գործի նյութերի ամբողջ ծավալը տրամադրելու վերաբերյալ...