Facebook-ն իր հայտնի WhatsApp մեսենջերում ավելացրել է նոր գործառույթ, որը, ըստ մշակողների մտահղացման, կօգնի պայքարել ապատեղեկատվության եւ, այսպես կոչված, «ֆեյքային նորությունների» դեմ, որոնցից հաճախ դժգոհում է ԱՄՆ նախագահը:

Գործառույթը կոչվում է «search the web», եւ դրա իմաստը բավականին պարզ է՝ օգտատիրոջ ստացած հաղորդագրության կողքին հայտնվում է խոշորացույցի նշան, որի վրա սեղմելիս գրծարկվում է բրաուզերը՝ Google համակարգի միջոցով հաղորդագրության մասին տեղեկատվություն որոնելու համար: Եվ արդեն որոնման տվյալների հիման վրա օգտատերն ինքը պետք է եզրակացնի՝ հաղորդագրությունից ստացված տեղեկատվությունը ճշմարիտ է, թե նույն «ֆեյքային նորությունն» է, հայտնում է IXBT-ը:

Այսպիսով, WhatsApp-ը հեռացել է արդիականացումից եւ իր վրա է վերցրել ճիշտ ու սուտ տվյալների որոշման ողջ պատասխանատվությունը: Փաստորեն, «search the web»-ը ընդամենը փոքր-ինչ պարզեցնում է համացանցում տվյալների որոնման ստանդարտ ընթացակարգը, ընդ որում՝ այս պահին որոնմանն աջակցում է միայն տեքստային տեղեկատվությունը, մեսենջերին ուղարկված նկարի կամ տեսանյութի ճշմարիտ լինելը ստուգել չի ստացվի։

Գործառույթն աշխատում է Android-ով, iOS-ով սարքերի WhatsApp-ում՝ Բրազիլիայում, Իտալիայում, Իռլանդիայում, Մեքսիկայում, Իսպանիայում, Մեծ Բրիտանիայում եւ ԱՄՆ-ում: Դեռ պարզ չէ, թե երբ այն հասանելի կդառնա մեսենջերի բոլոր օգտատերերին, բայց կարելի է կարծել, որ դա տեղի կունենա մինչ ԱՄՆ ընտրությունները:

Նախկինում WhatsApp-ին արդեն մեղադրել էին ապատեղեկատվություն ուղարկելու մեջ, ուստի ընկերությունը «search the web»-ի նման գործառույթների միջոցով ցանկանում է պաշտպանվել նման հարձակումներից։