Բեյրութի նավահանգստում տեղի ունեցած պայթյունի հետեւանքով զոհերի թիվը հասել է 50-ի, լրագրողներին հայտնել է առողջապահության նախարար Համադ Հասանը՝ մտահոգություն հայտնելով, որ մահվան դեպքերի թիվը կարող է աճել, հայտնում է CNN-ը:
Հասանն ասել է, որ առնվազն 2750 մարդ վիրավորվել է մայրաքաղաքը ցնցած հզոր պայթյունի հետեւանքով:
Ինչպես ավելի վաղ հաղորդվել էր, Լիբանանի ՆԳՆ-ն հայտարարել է, որ Բեյրութի նավահանգստում ամոնիումի նիտրատ է պայթել: Ըստ որոշ տեղեկությունների՝ պահեստում տեղի է ունեցել կարճ միացում, որը հրդեհ է առաջացրել, որի հետեւանքով էլ նիտրատը պայթել է: