News
Լրահոս
News
Հինգշաբթի
Մարտ 28
Տեսնել լրահոսը

Հոնկոնգյան սանիտարական իշխանությունները ժամանակավորապես մթերային  երկու շուկա են փակել` մեգապոլիսում կորոնավիրուսով վարակման մի շարք նոր դեպքերի կապակցությամբ: Այս մասին չորեքշաբթի հաղորդել է RTHK ռադիոկայանը:

Խոսքը շուկաների մասին է, որոնք տեղակայված են քաղաքի մայրցամաքային հատվածի Հունհոմ եւ Տոգուավան թաղամասերում: Այս շաբաթ վարակվածների թվում էին այդ շուկաների մի քանի աշխատակից, այդ թվում` ձկնավաճառներ: Դա մտավախություն էր առաջացրել, որ շուկաները կարող են վարակի թեժ օջախներ դառնալ, ինչպես դա եղավ Ուհանում եւ Պեկինում կորոնավիրուսի բռնկումների ժամանակ, հայտնում է ՏԱՍՍ-ը:

Ներկայումս երկու օբյեկտներն էլ փակ են ախտահանման համար: Երեքշաբթի դրանց զննվել են բժիշկների կողմից, ովքեր նմուշներ են վերցրել փորձաքննության համար, այդ թվում` ձկների կտրման տախտակների վրայից: Մասնագետները ուսումնասիրում են վիրուսի տարածման հնարավոր եղանակները, բայց կարծում են, որ ծովամթերքները, ամենայն հավանականությամբ, չէին կարող վարակի աղբյուր դառնալ:

Վերջին երկու շաբաթվա ընթացքում Հոնկոնգում համաճարակաբանական իրավիճակը զգալիորեն վատթարացել է: Երեքշաբթի այստեղ կորոնավիրուսով վարակման դեպքերի թիվն ավելացել էր 80-ով` հասնելով 3 669-ի: Մահացել էր առնվազն 42 հիվանդ:

Տեղական իշխանություններն անցյալ շաբաթ խստացրել էին սահմանափակիչ միջոցառումները: Բնակչությանն արգելվում էր հավաքվել ավելի քան երկու հոգանոց խմբերով եւ առանց պաշտպանիչ դիմակի հայտնվել ցանկացած վայրում: Հուլիսի 31-ին որոշում էր կայացվել Չինաստանի այս հատուկ վարչական շրջանի Օրենսդիր խորհրդի` սեպտեմբերին նախատեսված ընտրությունները մեկ տարով հետաձգելու մասին:

Ավելի վաղ Հոնկոնգի իշխանությունները քաղծառայողներին տեղափոխել էին հեռավար ռեժիմով աշխատանքի, ինչպես նաեւ երկարաձգել էին մի շարք սահմանափակումներ` կապված մարզադահլիճների, լողավազանների, բարերի, լողափերի, գիշերային ակումբների, կինոթատրոնների եւ տեղական «Դիսնեյլենդ»-ի փակման հետ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ