Թուրքիայի առողջապահության նախարարության ղեկավար Ֆահրեթին Քոջան Twitter-ում գրել է, որ Ռուսաստանի հետ սահմանների բացումից հետո Թուրքիայի հանգստավայրերում վարակակիրների թիվը կտրուկ աճել է:
Ըստ նրա` վերջին օրերին կառավարությունը վարակման դեպքերի թվի լուրջ աճ է գրանցել, հայտնում է «Գազետա»-ն:
Նախարարը հավելել է, որ Թուրքիան կգործադրի բոլոր ջանքերը` վարակի բռնկումը կանխելու համար:
Օգոստոսի 4-ին հանրապետությունում հայտնաբերվել էր կորոնավիրուսով վարակման 1.083 դեպք, վերականգնվել է 994 մարդ, 18-ը մահացել է:
Ռուսաստանը Թուրքիայի հետ օդային հաղորդակցությունը վերսկսել էր օգոստոսի 1-ին: