News
Լրահոս
News
Չորեքշաբթի
Սեպտեմբեր 23
USD
485.29
EUR
569.58
RUB
6.39
ME-USD
0.01
Տեսնել լրահոսը


Ոստիկանության մեքենան անցել է Ամուլսարում ակցիա իրականացնող քաղաքացիներից մեկի ոտքի վրայով։

«Ոստիկանները թևերիցս քաշքշում էին, մեքենան անցնելուց չհասցրի էն կողմ գնամ, մեքենան եկավ առաջ ու կանգնեց, ոստիկաններից մեկը փորձում էր ոտքս հանել, չկարողացավ»,- ասաց քաղաքացին, որը նստած էր ճանապարհի վրա։

ԼՀԿ պատգամավոր Անի Սամսոնյանը մոտեցավ մարզի ոստիկանապետ Գևորգ Ազիզյանին՝ հասկանալու, թե ինչու է ոստիկանության աշխատակիցը անցել քաղաքացու ոտքի վրայով.

«Խնդրում եմ՝ դրա վերաբերալ համապատասխան հաղորդում ներկայացնել։ Անզգուշաբար է դա կատարվել»,- ասաց Ազիզյանը եւ կիսատ թողելով զրույցը՝ հեռացավ։

Քաղաքացիներից մեկը դիմեց մարզի ոստիկանապետին. «Ժողովուրդն իրավունք ունի իր ձայնը բարձրաձայնելու։ Խնդրում ենք՝ մարզպետին հրավիրեք, Կառավարությունից մարդ հրավիրեք, որ սա հարթվի։ Մտածում եք, որ ծեծելով բերման ենթարկեցիք՝ այդ հարցը կլուծվի՞»։

Ազիզյանն ասաց, որ եթե քաղաքացին չի ենթարկվում, ապա հարկադրանքի միջոց է կիրառվում նրա նկատմամբ։

«Քաղաքացին ենթարկվելու համար, եթե դուք նշում եք օրինական պահանջ, ես գուցե լսեմ ձեզ, ձեր պահանջի մեջ չկա օրինականություն, ուստի մենք ձեզ չենք ենթարկվում եւ պատրաստ չենք ենթարկվելու այն մարդկանց, որոնք մեզ են ծառայում։ Այստեղ բռնություն մի սարքեք եւ մի խոչընդոտեք մեր պահանջին»,- արձագանքեց ակցիայի մասնակիցը։

Նշենք, որ Ամուլսարի երկրորդ հենակետի մոտ իրավիճակը շարունակում է լարված մնալ։

Քիչ առաջ ոստիկանները բռնի ուժով բերման ենթարկեցին ակցիայի մասնակիցներին։

Բերման ենթարկվելու պահին, երբ իրավիճակը լարվեց քաղաքացիներն իրենց ձեռքերը վեր բարձրացրին՝ որպես խաղաղության նշան։

Նշենք, որ ակցիայի մասնակիցները կանգնել էին ոստիկանական ավտոմեքնենարի առջեւ եւ թույլ չէին տալիս բերման ենթարկված ցուցարարներին տանել ոստիկանական բաժիններ։

Նշենք, որ ցուցարարները փակել են Ջերմուկ քաղաք տանող ճանապարհը։ Մարզի ոստիկանապետ Գեւորգ Ազիզյանը նրանց 15 րոպե ժամանակ էր տվել՝ ավտոճանապարհը բացելու համար։

Հիշեցնենք, որ «Լիդիան» ընկերության վարձած նոր պահնորդական ծառայությունը Ամուլսարի պահապանների վագոն-տնակները հանել  ու փոխարենը դրել է իրենցը:

Նշենք, որ երեկ առավոտից Ամուլսարում իրավիճակը լարված է եղել, ակցիայի ընթացքում բերման ենթարկվածներ են եղել, ոստիկանների եւ ցուցարարների միջեւ տեղի են ունեցել բախումներ։ Ակցիայի մասնակիցները փորձում էին տեղաշարժել «Լիդիան Արմենիա» ընկերության պահնորդական խմբի կողմից Ամուլսարի իրենց վարձակալած տարածքում տեղադրված վագոն-տնակները։ Ակցիայի ընթացքում 14 քաղաքացի էր բերման ենթարկվել, որոնցից 4-ը խուլիգանության կասկածանքով. նրանք պահնորդական խմբից էին:

Հիշեցնենք, որ 2018 թվականի հուլիսի 20-ին հարուցվել էր քրեական գործ` Ամուլսարի հանքավայրի շահագործման հետեւանքով բնությանը հասցվող վնասի վերաբերյալ տեղեկատվությունը թաքցնելու փաստով։

Նույն քրեական գործի շրջանակներում ավելի ուշ նշանակվեց նաեւ Ամուլսարի ոսկու հանքի շահագործման համալիր փորձաքննություն, որի իրականացումը հանձնարարվեց «ԷԼԱՐԴ» ընկերությանը։

Հայաստանում իշխանափոխությունից հետո դադարեցվել է, հարուցվել է քրեական գործ` չարաշահումների եւ բնապահպանական օրենսդրության խախտումների փաստով։

Կառավարության հրավերով հանքի տարածքում միջազգային բնապահպանական փորձաքննություն է իրականացվել։ Վարչապետ Նիկոլ Փաշինյանը հայտարարել էր, որ հանքը չի շահագործվի, քանի դեռ փորձաքննությունը դրական եզրակացություն չի տվել։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Այս պահին ունենք Ջերմուկի կալանավորված 3 բնակիչներ, որոնց Երևանում մեղադրանքներ են առաջադրվում. Հայտարարություն
Հանդիպում ենք Ջերմուկի տաքսիների կանգառում, ժամը 17։00-ից սկսած...
Ամուլսարի ճակատագիրը որոշվել է դեռ 2018 թվականին․ Շիրակ Բունիաթյան
Հայաստանի հավասարակշռված շահը պահանջում է նախ պահպանել մայր բնությունը, որը կվտանգվի․․․
Փաշինյանն ընդունել է Lydian Canada Ventures ընկերության տնօրենների խորհրդի անդամ Ջեֆֆրի Քոուչին
Հանդիպման ընթացքում զրուցակիցները քննարկել են Ամուլսարի ծրագրի շուրջ ստեղծված իրավիճակին վերաբերող հարցեր…
«Լիդիանը» կրթաթոշակներ կտրամադրի Ամուլսարի համայնքների ուսանողներին
Նախապատվությունը կտրվի երկրաբանության, քիմիայի, հանքագործության, մետալուրգիայի և բնապահպանության ոլորտներում ստացիոնար և հեռակա կրթություն ստացող առաջին 15 դիմումատու ուսանողներին:...
Կառավարությունը հրաժարվում է տրամադրել Ամուլսարի վերաբերյալ նյութերը. ՀԲՃ
Արդեն մեկ տարուց ավելի է, որ նույնիսկ պաշտոնական հարցումների միջոցով Հայկական բնապահպանական ճակատ կամավորական նախաձեռնությունը չի…
«Լիդիանի» նախկին աշխատակիցների նույնաբովանդակ հայցադիմումներից մեկը վարույթ է ընդունվել, մյուսը՝ ոչ. փաստաբան
Իրավական տեսանկյունից մեզ համար շատ տարակուսելի է այդ որոշումը, որովհետեւ անձանց նույնաբովանդակ պահանջը նույն դատարանը մեկ գործով ընդունում է եւ մյուս անձանց…
Ամենաշատ