News
Լրահոս
News
Երկուշաբթի
Սեպտեմբեր 28
USD
485.27
EUR
565.05
RUB
6.28
ME-USD
0.01
Տեսնել լրահոսը

Թուրքիայի քրիստոնյաների համար Սուրբ Սոֆիայի տաճարը մզկիթի վերածելու որոշումը եւս մեկ հարված դարձավ, գրում է Politico-ն:

Այդ քայլն անսպասելի չէր Ստամբուլում հունարենով տպագրվող միակ թերթի՝ Apoyevmatini-ի սեփականատեր Մինաս Վասիլիադիսի համար: «Սուրբ Սոֆիայի խնդիրը նոր չէ»,-նշել է նա:

Թուրքիայի քրիստոնյաները զգուշավորություն են ցուցաբերում եւ քիչ են խոսում այդ մասին: Օրինակ, Ստամբուլի հայ պատրիարքը հունիսին աջակցել է Սուրբ Սոֆիայի տաճարում պատարագների վերսկսումը, չնայած նա առաջարկել է աղոթքի համար տեղ տրամադրել ինչպես քրիստոնյաներին, այնպես էլ մուսուլմաններին:

Վասիլիադիսը եւս մանրակրկիտ ընտրել է բառերը. «Կան մարդիկ, ովքեր ծափահարում են այդ որոշմանը: Որոշումը քաղաքում ապրող քրիստոնյաներին ստիպում է ուշադիր լինել, թե ինչ են իրենք ասում, քանի որ իրենց կարող են սխալ հասկանալ»:

Որոշումից առաջ պատրիարք Վարֆոլոմեյը զգուշացրել է, որ շատ քրիստոնյաների իսլամի դեմ կտրամադրի:

Սակայն Թուրքիայում քրիստոնյաները մտավախություն ունեն, որ հակառակը տեղի կունենա:

«Իսլամիստական եւ ազգայնական մթնոլորտը Թուրքիայի քրիստոնյաների կյանքն անհարմարավետ է դարձնում: Տաճարը մզկիթի վերածելու որոշումը լարվածություն կառաջացնի »,-ասել է Ստամբուլի «Ակոս» թերթի գլխավոր խմբագիր Եդվարդ Դանզիկյանը:

Նրա խոսքով՝ այդ որոշումը Թուրքիայի պահպանողական կառավարության կողմից վերջին ազգայնական քայլն էր:

1914 թվականին քրիստոնյաները կազմել են ժամանակակից Թուրքիայի բնակչության մոտ 20 տոկոսը, սակայն 20-րդ դարի առաջին կեսին տեղի են ունեցել զանգվածային սպանություններ, ջարդ, ներառյալ՝ 1915 թվականին Հայոց ցեղասպանությունը, ինչի հետեւանքով զոհվեց 1,5 մլն հայ՝ հիշեցնում է Politico-ն:

Այսօր համարվում է, որ երկրում կա մոտ 100 000 քրիստոնյա, այդ թվում ուղղափառ հույներ, հայեր եւ ասորիներ:

«Կարծում եմ, որ միակը, ով համաձայն չէ այդ որոշման հետ, ուղղափառ համայնքն է, քրիստոնյաները հատուկ ուշադրություն չեն դարձնում այդ հարցին եւ դա համարում են Թուրքիայի ներքին խնդիրը: Անհնար է ստիպել բոլորին գոհ լինել որոշումից»,-ասել է ակտիվիստ Էմրե Չելիկը, ով կազմակերպել է ի աջակցություն տաճարը մզկիթի վերածելու ակցիան:

Դանզիկյանը համաձայն չէ նրա հետ. «Սուրբ Սոֆիայի տաճարում ես միշտ համաշխարհային ժառանգություն եմ տեսել: Ես միշտ մտածել եմ, որ այն պատկանում է աշխարհին: Ցավալի է, որ մենք կորցրեցինք այդ համաշխարհային ժառանգությունը»:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄԷ միակ երկիրն է, որը քննադատել է Այա Սոֆիան» մզկիթի վերածելու վերաբերյալ Թուրքիայի որոշումը. Ահլամ ալ Սալամի
Նախ և առաջ կցանկանայի նշել, որ ԱՄԷ-ն դարձել է ՅՈՒՆԵՍԿՕ-ի անդամ դեռևս 1971թ․ Էմիրությունների միավորումից 4 ամիս անց և այսօր էլ ՅՈՒՆԵՍԿՕ-ի Գործադիր խորհրդի անդամ...
Սուրբ Սոֆիայում գրեթե 90 տարվա մեջ առաջին անգամ Կուրբան բայրամի պատվին նամազ է կատարվել
Նշվում է, որ նախկին քրիստոնեական տաճարում հավաքվել են իսլամի հազարավոր հետեւորդներ...
Էրդողանը Սուրբ Սոֆիայում նամազին Ղուրանից հատուկ հատվածներ է կարդացել (ֆոտո)
Այս հատվածները կարդալը հատուկ է ընտրվել, քանի որ Ֆաթիհա սուրայի հենց ֆաթիհա բառը նշանակում է «նվաճել», իսկ սուրայում Ղուրանի սկիզբն է իր հիմնական սկզբունքներով...
Էրդողանը միացել է հազարավոր աղոթողներին Սուրբ Սոֆիայի տաճարում
Էրդողանը եւ նրա նախարարները պիտակ դիմակներով ծնկի են եկել կապույթ գորգերի վրա նախքան արարողության սկսվելը․․․
Սուրբ Սոֆիայի տաճարի խորհուրդը․ Էրդողանը փուլ առ փուլ ի չիք է դարձնում Աթաթուրքի ռեֆորմները. Ստեփան Դանիելյան
Կան բազմաթիվ եկեղեցիներ, որոնք Թուրքիայում, եւ ոչ միայն Թուրքիայում, մզկիթների են վերածվել, նաեւ կան մզկիթներ, որոնք, հակառակը, եկեղեցիների են վերածվել, մասնավորապես՝ Իսպանիայում...
Եգիպտոսի գլխավոր մուֆթին անթույլատրելի է համարել Ստամբուլի Սուրբ Սոֆիայի տաճարը մզկիթ դարձնելու որոշումը
Եկեղեցիները պետք է պահպանվեն այնպես, ինչպես կան եւ չվերածվեն մզկիթի...