News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Տարբեր երկրներում համավարակի դեմ պայքարի մեթոդների ուսումնասիրությունը ցույց է տվել, որ կորոնավիրուսի տարածմանն իդեալական պատասխան կլիներ Նոր Զելանդիայում թեստավորման քաղաքականության, Դանիայում դպրոցների բացման մոտեցման եւ Ուգանդայի տեղեկատվական ռազմավարության համադրությունը: Նման եզրակացության են հանգել Մեծ Բրիտանիայի նախկին վարչապետ Թոնի Բլերի նախկին խորհրդական Մայքլ Բարբերը եւ Մալայզիայի նախկին վարչապետի նախկին խորհրդական Իդրիս Զալը, գրում է Bloomberg-ը:

Հաջող ռազմավարությունների շարքում փորձագետները, մասնավորապես, նշել են Նոր Զելանդիայում անցկացված լայնածավալ փորձարկումները: Բացի այդ, հետազոտողներն առանձնացրել են Հարավային Կորեան, որտեղ մասնագետներն օգտագործում են հսկողության տեսախցիկների եւ վարկային քարտերի գործարքների տվյալները` վարակվածների տեղաշարժին հետեւելու համար: Գիտնականները նաեւ բարձր են գնահատել այն, թե ինչպես են Ուգանդայի իշխանությունները տեղեկացրել հասարակությանը. նրանք ռադիոհաղորդումներ էին թողարկում` ինտերնետի վատ հասանելիությամբ տարածքների բնակիչների իրազեկման համար: Փորձագետները նշել են նաեւ Դանիայի իշխանությունների որոշումը, որոնք Եվրոպայում առաջինը հաջողությամբ բացեցին դպրոցները կարանտինից հետո:

Փորձագետները նաեւ եզրակացրել են, որ համավարակի ֆոնին տարբեր երկրների միջեւ կոորդինացիան վատն էր, հատկապես` 2008-ի համաշխարհային ֆինանսական ճգնաժամի ժամանակաշրջանի համեմատ: Այդ ժամանակ տարբեր երկրների ղեկավարներ օգնեցին ընդհանուր արձագանք կազմակերպել ճգնաժամին, նշում է գործակալությունը:

«Պատմության մեջ առաջին անգամ մոլորակի յուրաքանչյուր կառավարությանը միեւնույն տնային առաջադրանք է տրվել նույն ժամանակահատվածում»,- ասել է Բարբերը: Նրա կարծիքով` դա պետք է «հիանալի հնարավորություն դառնար գլոբալ ուսուցման համար», սակայն, ի զարմանս գիտնականների, դա տեղի չունեցավ: Ըստ Բարբերի` տարբեր երկրների կառավարություններ, այնուամենայնիվ, պետք է լուծեն այս խնդիրը, քանի որ այժմ աշխարհն արդեն պատրաստվում է պատվաստանյութի բաշխման եւ տնտեսական օգնության հետ կապված նոր խնդիրներին, փոխանցում է Forbes-ը:

Բարբերը շեշտել է, որ ոչ բոլոր հաջող լուծումները կաշխատեն այլ երկրներում: Օրինակ կոնտակտներին հետեւելու հարավկորեական ծրագիրն անթույլատրելի է արեւմտյան որոշ երկրների համար: Այնուամենայնիվ, կարելի է գնալ Ավստրալիայի ճանապարհով, որը գաղտնիության մասին օրենքներ ընդունեց` մարդկանց համոզելու համար, որ իրենց տվյալները չեն օգտագործվի այլ նպատակներով, նշել է հետազոտողը:

Բացի այդ, գիտնականները փորձել են գնահատել, թե որքան է տուժել երկրներից յուրաքանչյուրը եւ որքանով է դրան հաջողվում վերականգնվել համավարակից հետո: Օգոստոսի 5-ին վերականգնման առումով առաջատարներ են Թաիլանդը եւ Հարավային Կորեան, իսկ վարկանիշի ամենաներքեւում Հոնդուրասը եւ Բահամներն են: Ընդ որույմ, Միացյալ Թագավորությունը 184 երկների շարքում զբաղեցրել է 28-րդ տեղը, իսկ ԱՄՆ-ը` 131-րդ տեղը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ավստրալացին որոշել է համավարակի դեմ պայքարել անվճար սուրճով եւ ժպիտով
Ավստրալացի Ռիկ Էվերեթն իր խոհանոցի պատուհանին ցուցանակ է կախել, որի վրա գրված է. «Անվճար սուրճ` վիրուսի դեմ պայքարելու համար»...
ԱՄՆ-ում կորոնավիրուսով վարակվածների թիվը գերազանցել է 7 միլիոնը
Կատարված հաշվարկով՝ ԱՄՆ-ում վարակվել է 7 005 746 մարդ, մահացել՝ ավելի քան 203 հազարը…
«Նիկոլ, մարդասպան». Մոմավառություն Երևանում ՝ ի հիշատակ կորոնավիրուսից մահացած ՀՀ քաղաքացիների (ֆոտո)
Ակցիայի մասնակիցները մոմ են վառում փոքր խաչքարի մոտ...
Իսպանիայի կառավարությունն առաջարկել է երկրորդ լոքդաուն մտցնել Մադրիդում
Երկրի առողջապահության նախարարն իսպանական ցանկացած քաղաքի, այդ թվում` Մադրիդին, խորհուրդ է տվել փակվել, եթե կորոնավիրուսով վարակման դեպքերի մակարդակը 500 դեպք կամ ավել է կազմում` 100 000 բնակչի հաշվով...
ՌԴ մեկնելու ցանկությամբ հանդես եկող քաղաքացիները դադարեցրին հացադուլը
Օգնականը ակցիայի մասնակիցներին հորդորել է դադարեցնել հացադուլը, ինչին քաղաքացիները համաձայնվել են…
Իրանում մեծանում է կորոնավիրուսով վարակումների թիվը
Իրանում մեկ օրում հայտնաբերվել է COVID-19-ով վարակման 3563 նոր դեպք, մահացել է 207 մարդ․․․