News
Լրահոս
News
Ուրբաթ
Սեպտեմբեր 18
USD
485.26
EUR
574.98
RUB
6.46
ME-USD
0.01
Տեսնել լրահոսը

Կորոնավիրուսի համավարակի հետեւանքով մի շարք ոլորտներ հայտնվել են ճգնաժամում, եւ թանկարժեք զարդերի մանրածախ առեւտուրը բացառություն չէ։

Գնորդները կրճատում են իրենց ծախսերը․ McKinsey խորհրդատվական ընկերության գնահատմամբ՝ թանկարժեք իրերի համաշխարհային շուկան կրճատվել է 35-39 տոկոսով 2020 թվականին՝ ի տարբերություն անցած տարվա նույն ժամանակաշրջանի։

«Նոր հագուստի գնումն ու նորաձեւությանը հետեւելը կախված են սոցիալական ակտիվությունից, ինչպիսին է աշխատանքի հաճախելը, երեկույթի մասնակցելը կամ ուրիշների տեսադաշտում լինելը,-հայտարարել է Coley Porter Bell խորհրդատվական ընկերության գործադիր տնօրեն Վիկի Բուլենը։-Եթե ձեզնից ոչ մեկը չի տեսնում, ո՞րն է իմաստը»։

Spark Ideas ընկերության հիմնադիր եւ գործադիր տնօրեն Մալինդա Սաննայի խոսքով՝ ԱՄՆ-ում տնտեսության անկման ժամանակ չափազանց աչքի ընկնող բարձրորակ պայուսակը կամ ավտոմեքենան ցուցադրելու փոխարեն սպառողները ցույց են տալիս իրենց «լավ ինքնազգացողությունը»։ «Առողջություն եւ աշխուժություն․ահա ինքնատիպ շքեղությունը։ Այդ մասին ցանկացած սիմվոլները կամ ակնարկները լիովին թույլատրելի են»,-ասել է նա։

Spark Ideas-ը հետազոտություն է անցկացրել շքեղ իրերի սպառողների շրջանում ԱՄՆ քաղաքներում, ինչպես նաեւ Շանհայում (հարցման մասնակիցները պետք է ծախսած լինեին առնվազն 2000 դոլար թանկարժեք իր գնելու համար վերջին 12 ամսվա ընթացքում), որի արդյունքում վերհանվել էին ֆիթնեսի համար բարձրորակ սարքավորումները, ինչպիսին է Peloton հեծանիվը։

Ընտանեկան ժամանցը նույնպես համարվում էր ուրախության աղբյուր հետազոտության մասնակիցների համար։ «Խոսքը չի վերաբերում ձեռքբերած իրերը ցուցադրելուն։ Իսկական առավելությունն այժմ թիմ լինելն է՝ շրջապատված մտերիմներով, ունենալ հնարավորություն նրանց հանդիպելու։ Երեխաների եւ ընտանիքի հետ ժամանակ անցկացնելու հնարավորությունն է»,-հայտարարել է Սաննան։

Քանի որ Շանհայի նման քաղաքները գնալով բացվում են, սպառողները միշտ չէ, որ հավաքվում են սովորական առեւտրի կետերում։ Սաննայի խոսքով՝ ջերմությունը չափելն ու դիմակ կրելը լավագույն տարբերակը չեն շքեղ բուտիկ այցելելու համար։ «Այդ ամենը բնավ շքեղություն չէ,-ասել է նա։-Այժմ կան միջոցներ, որոնց օգնությամբ առեւտրային գործընկերները կարող են ուղարկել տեքստային հաղորդագրություններ եւ հաղորդակցվել իրենց հաճախորդների հետ։ Եւ այդ հարաբերություններն այժմ շատ արժեքավոր են»։

Interbrand Group խորհրդատվական ընկերության տնօրեն Ռեբեկա Ռոբինսի խոսքով՝ համավարակից հետո թրենդային կհամարվեն ապրանքները, որոնք կարելի է անվանել «լուռ շքեղություն»։ «Մենք արդեն նկատում ենք լուռ շքեղության եւ զսպվածության վերածնունդը, ինչի մասին վկայում են այնպիսի բրենդների ժամանակից տենդենցներից դուրս էստետիկան, ինչպիսիք են Hermès-ը, Prada-ն եւ Bottega Veneta-ն»,-ասել է նա։

Սակայն անգամ համավարակի ժամանակ բարձր նորաձեւության նկատմամբ մարդկանց հետաքրքրվածությունը չի սպառվել, նշում է Ռոբինսը։ Երբ Nike-ը Dior-ի հետ համագործակցությամբ թողարկել էր Air Jordan 1 OG սպորտային կոշիկները, ավելի քան 5 միլիոն մարդ էր գրանցվել, որպեսզի հնարավորություն ստանա ձեռքբերել դրանք անցած ամիս։ «Վարքագծի որոշ տեսակներ չեն փոխվում, դրանք ավելի են սրվում»։

Համաձայն McKinsey-ի հաշվետվության՝ սպառողներն, ամենայն հավանականությամբ, կվերադառնան թանկարժեք իրերին 2021 թվականին։ Չնայած որոշ սպառողներ կարող են հոգ տանել կայության մասին՝ գնելով ավելի քիչ քանակությամբ ավելի լավ որակի իրեր, մյուսները կծախսեն գումար։

«Դա կլինի մեկ մեծ երեկույթ, եւ այն նման չի լինի որեւէ այլ բանի, ինչ մենք տեսել ենք նախկինում։ Եւ ես կարծում եմ, որ լյուքս դասի բրենդները պետք է պատրաստ լինեն դրան»,-համարում է Սաննան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կորոնավիրո՞ւս, թե՞ դիմակի բիզնես․քաղաքացին դեմ է դպրոցում դիմակ կրելու պարտադրանքին
Կրթության նախարարություն եմ զանգում ոնց որ միջնադար լինի, մեկն ասում է՝ զանգի մյուսին, էն մեկը...
Սեուլը մտադիր է 4 միլիոն դոլար պահանջել «Սարանգ Զեյլ» եկեղեցուց` կորոնավիրուսի տարածման համար
Վարակման դեպքերի նոր ալիքը բռնկվել էր եկեղեցում, որի անդամներն օգոստոսի կեսերին մասնակցում էին Սեուլի կենտրոնում տեղի ունեցած խոշոր բողոքի ցույցին...
Մշակողը հայտնել է COVID-19-ի դեմ նոր ռուսական դեղի մանրածախ գինը
Այս գինն այս կամ այն կերպ կապված է բժշկական հաստատություն առաքման գնի հետ...
Հարուստ երկրների խումբն արդեն գնել է կորոնավիրուսի դեմ ապագա պատվաստանյութերի դեղաչափերի կեսից ավելին
Իսրայելն աշխարհում առաջին անգամ կորոնավիրուսի պատճառով կրկնակի կարանտին է սահմանել
Սահմանափակումները գործելու են 3 շաբաթ, հիմնականում աշնանային հրեական տոների ժամանակ․․․
Հայաստանում Ռուսաստանի դեսպանը նշել է սահմանները բացելու պայմանները
Սահմանները բացելու հարցերը քննարկվում են ե՛ւ երկկողմ մակարդակում, ե՛ւ ԵՏՄ-ի շրջանակում, բայց վերջնարդյունքում որոշիչ է համաճարակաբանական իրավիճակի զարգացումը․․․