News
Լրահոս
News
Ուրբաթ
Սեպտեմբեր 25
USD
485.27
EUR
565.05
RUB
6.28
ME-USD
0.01
Տեսնել լրահոսը

Ոստիկանները պարզել են նաև, որ 28-ամյա տղամարդը հուլիսի 31-ին, ժամը 15.00-ին, Մաշտոցի պողոտայում նույն եղանակով

Կնետրոնի ոստիկանները փողոցային կողոպտիչի են հայտնաբերել ու բերման ենթարկել։   Օգոստոսի 5-ին, ժամը 14.55-ին, ոստիկանության Կենտրոնական բաժնում հաղորդում էր ստացվել, որ Մաշտոցի պողոտայում անհայտ անձը քաշել-պոկելով բացահայտ հափշտակել էր մի կնոջ պարանոցի արծաթյա շղթան և դիմել փախուստի: Այս մասին հայտնում են ՀՀ ոստիկանության լրատվական ծառայությունից։

Ձեռնարկված օպերատիվ հետախուզական միջոցառումների արդյունքում Կենտրոնականի քրեական հետախույզներին հաջողվեց պարզել կողոպուտը կատարած անձի ինքնությունը, որը օգոստոսի 7-ին, Հանրապետության հրապարակում հայտնաբերվեց և, կողոպուտ կատարելու կասկածանքով, բերման ենթարկվեց ոստիկանության Կենտրոնական բաժին։

Ոստիկանները պարզել են նաև, որ 28-ամյա տղամարդը հուլիսի 31-ին, ժամը 15.00-ին, Մաշտոցի պողոտայում նույն եղանակով բացահայտ հափշտակել է մեկ այլ կնոջ ոսկյա շղթան:

Նա ներկայացվել է քննչական բաժին և տվել խոստովանական բացատրություն։

Կատարվում է նախաքննություն:

Տպել