Հայկական առողջապահական ազգային խորհրդի նախագահ, բժիշկ-ուրոլոգ Գևորգ Գրիգորյանը ֆեյսբուքյան իր էջում գրառում է կատարել՝ տեղեկացնելով, որ առողջապահության նախարար Արսեն Թորոսյանի կնոջ ղեկավարած հիմնարկի պետպատվերը մի քանի անգամ ավելացել է։
«Բարի լույս բոլորին բացի յուրայիններին պետության հաշվին հարստացնողներից:
Հիշեցնեմ, որ նախարարի կնոջ ղեկավարած հիմնարկի պետպատվերը 24 մլն դրամից դարձել է 120 մլն դրամ:
Այ հենց այսպես էլ իրենք կարողանում են թանկարժեք մեքենաներ և առանձնատներ գնել:
Կփոխվի իշխանությունը և կլինի հետաքննություն` այդ ժամանակ բոլորը պատասխան կտան»,-գրել է նա:
Գրառմանը կից բժիշկը հրապարակել է Արսեն Թորոսյանի՝ 3 տարի առաջվա գրառման լուսանկարը, որում Թորոսյանը նշել է, թե պետպատվերը յուրայիններին անգործ չթողնելու գործիք է։
