News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը

Առողջապահության համաշխարհային կազմակերպությունը հայտարարել է, որ կորոնավիրուսի դեմ պայքարում հույսի նշույլներ կան, չնայած որ աշխարհում վարակման մոտ 20 միլիոն դեպք կա, իսկ մահվան դեպքերի թիվը մոտենում է 750 000-ի:

«Ես գիտեմ, որ ձեզանից շատերը սգում են, եւ որ սա աշխարհի համար դժվար պահ է»,- ասել է ԱՀԿ գլխավոր տնօրեն Թեդրոս Ադհան Գեբրեեսուսը: «Բայց ես ուզում եմ հստակություն մտցնել՝ կան հույսի կանաչ ծիլեր, եւ անկախ նրանից, թե որտեղ է գտնվում երկիրը, տարածաշրջանը, քաղաքը կամ ավանը, երբեք ուշ չէ Covid-19-ի բռնկմանը հակադարձելու համար»:

Նրա խոսքերով՝ Հարավարեւելյան Ասիայի, Նոր Զելանդիայի, Ռուանդայի եւ Կարիբյան կղզիների ու Խաղաղ օվկիանոսի տարածաշրջանի որոշ երկրներ կարողացել են վաղ փուլում ճնշել վիրուսը:

Նա նշել է, որ Ֆրանսիայում, Գերմանիայում, Հարավային Կորեայում, Իսպանիայում, Իտալիայում եւ Մեծ Բրիտանիայում կորոնավիրուսի մեծ բռնկումներ են գրանցվել, եւ նրանք նույնպես կարողացել են ճնշել այն: Նա այս երկրներում նոր դեպքերի նվազումը բացատրել է առաջնորդների «վճռական եւ ճշգրիտ» գործողություններով:

ԱՀԿ-ն խորհուրդ է տալիս, որ մարդիկ դիմակներ կրեն՝ որպես վիրուսի տարածումը դանդաղեցնելու միջոց, ինչպես նաեւ պարբերաբար լվանան ձեռքերը, ուրիշներից հեռավորություն պահեն եւ խուսափեն մարդաշատ վայրերից:

«Ֆրանսիայում նախագահ Էմանուել Մակրոնը պարտադիր է դարձրել դիմակներ կրելը Փարիզի աշխույժ բաց տարածքներում՝ ի պատասխան հիվանդության աճող դեպքերի»,- ասել է Թեդրոսը:

Նա նշել է, որ անկախ այն բանից, թե արդյոք երկրները կամ տարածաշրջանները հաջողությամբ են արմատախիլ արել Covid-19-ը, ճնշել են փոխանցումը՝ հասցնելով ցածր մակարդակի, թե դեռ գտնվում են լուրջ բռնկման ֆոնին, այժմ ժամանակն է «ամեն ինչ անել»: «Ներդրումներ կատարեք հանրային առողջապահության հիմունքներում, եւ մենք կկարողանանք փրկել ինչպես կյանքերը, այնպես էլ գոյության միջոցները»,- ասել է նա։

Խոսելով դպրոցների բացման մասին՝ ԱՀԿ գլխավոր տնօրենը նշել է, որ երկրները պետք է օգտագործեն «ռիսկերի վրա հիմնված մոտեցումը»՝ միեւնույն ժամանակ պահպանելով հնարավոր կլաստերների հանդեպ «զգոնությունը»։ «Մենք բոլորս ցանկանում ենք, որ դպրոցները վերաբացվեն անվտանգ միջավայրում, բայց նաեւ պետք է ապահովենք սովորողների, աշխատակիցների եւ ուսուցիչների անվտանգությունը»,- ասել է նա: «Դրա համար հիմք է հանդիսանում Covid-19-ի փոխանցման համարժեք վերահսկումը: Եթե մենք արդյունավետորեն ճնշենք Covid-19- ը, մենք կարող ենք ապահով կերպով բացելել հասարակությունները»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մադրիդի իշխանությունները բանակից օգնություն են խնդրել կորոնավիրուսի հերթական բռնկման դեմ պայքարում
«Մեզ բանակի օգնությունն է անհրաժեշտ՝ ախտահանման եւ տեղի ոստիկանության ու իրավապահ մարմինների ուժեղացման համար»․․․
ԱՄՆ-ում մեկ օրում հայտնաբերել են ավելի քան 38 հազար դեպք
Վերջին 24 ժամում Միացյալ Նահանգներում գրանցել են COVID-19-ի 38 978 նոր դեպք եւ հաստատված հիվանդությամբ պացիենտների շրջանում մահվան 230 դեպք․․․
«Իհարկե վերադառնում եմ». Արսեն Թորոսյանը կորոնավիրուսի դեմ պայքարը միանշանակ հաջողված համարեց
Գնահատում եմ պայքարի արդյունավետությունը. Առողջապահական համակարգն արել է...
Կովիդ-19-ի դեմ պայքարում իրենց ավանդի համար մի խումբ բժիշկներ պարգեւատրվել են
Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և...
«Փաստինֆո». Ահազանգեր կան աշակերտների շրջանում ուշագնացության դեպքերի մասին. Հոգեբան
Այս ամենը, ըստ նրա, անխուսափելիորեն մասսայական ագրեսիվ վարքի դրսևորումներ է առաջացնելու աշակերտների մոտ, որովհետև ցանկացած օրգանիզմ, հատկապես այդ...
Ավստրալիայում 14 շաբաթվա ընթացքում կորոնավիրուսով վարակման դեպքերի ռեկորդային ցածր ցուցանիշ է գրանցվել
Վիկտորիա նահանգում, որի վարչական կենտրոնը Մելբուրնն է, գրանցվել է վարակման 11 նոր դեպք...