News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը

Եվրասիական տնտեսական միության (ԵԱՏՄ) երկրների սահմաններով ապրանքների տեղափոխման վիճահարույց հարցերը վերացնելու «ճանապարհային քարտեզը» քննարկվել է Եվրասիական տնտեսական հանձնաժողովի (ԵՏՀ) կոլեգիայի անդամների եւ անդամ-երկրների լիազոր ներկայացուցիչների կողմից՝ ԵԱՏՄ տարածքում Տարաձայնությունների եւ վեճերի վերացման ու ապրանքների ազատ տեղաշարժի հարցերով հանձնաժողովում, հայտնում են ԵՏՀ մամուլի ծառայությունից:

Հանդիպումն անցել է ԵՏՀ կոլեգիայի նախագահ Միխայիլ Մյասնիկովիչի ղեկավարությամբ, որին մասնակցել են նաեւ ԵՏՀ կոլեգիայի անդամները՝ մաքսային համագործակցության նախարար Օլեգ Պանկրատովը, տեխնիկական կարգավորման նախարար Վիկտոր Նազարենկոն, առեւտրի նախարար Անդրեյ Սլեպնյովը, էկոնոմիկայի եւ ֆինանսական քաղաքականության նախարար Թիմուր Ժակսիլիկովը եւ ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների նախարար Գեղամ Վարդանյանը:

Միության պետությունները ԵՏՀ-ին են ներկայացրել իրենց առաջարկները: Կողմերը քննարկել են միջոցառումների ծրագրի ձեւավորման վերաբերյալ տարբեր մոտեցումներ: Ինչպես նշել է Միխայիլ Մյասնիկովիչը, ԵԱՏՄ-ում ապրանքների տեղափոխման հետ կապված վիճելի իրավիճակները լուծելու համար օպերատիվ հանձնաժողովի դերը «այնպիսի որոշումների մշակումն է, որոնք չի հաջողվել կայացնել նախորդ տարիներին»:

Հանդիպման արդյունքում որոշվել է կառուցել «ճանապարհային քարտեզ»` առաջարկները բաշխել կոլեգիայի հատվածներին, որտեղ ԵՏՀ ներկայացուցիչներն այնուհետեւ դրանք ավարտին կհասցնեն կողմերի փորձագետների հետ, ներառյալ ապրանքների հետագծելիության խնդիրը: Տեխնիկական բյուրոն կզբաղվի առաջարկությունները ի մի բերելով, ներառյալ՝ ռիսկերի հայտնաբերումը: Մշակված նախաձեռնությունները կուղարկվեն կողմերին՝ քննարկման համար:

Միջոցառումներն առաջարկվում է նաեւ բաժանել կարճաժամկետ, միջնաժամկետ եւ երկարաժամկետների: «Երկարաժամկետ միջոցառումներն իրավունք ունեն մեր «ճանապարհային քարտեզի» մաս լինել, նույնիսկ եթե դրանք որոշակի չափով կրկնօրինակում են ռազմավարական զարգացման ուղղությունների մինչեւ 2025 թվականի նախագիծը»,- կարծում է Միխայիլ Մյասնիկովիչը: «Օպերատիվ հանձնաժողովը հենց ռազմավարական ուղղությունների իրականացման մեխանիզմ է»:

Նիստի մասնակիցներին, «Վերին Լարս» անցակետով Հայաստանից ապրանքների փոխադրման հետ կապված մաքսային հսկողության օրինակով, ներկայացվել են առաջարկներ՝ պայմաններ ստեղծելու՝ միության անդամ երկրների սահուն տեղաշարժն ապահովելու համար մի անդամ-պետության տարածքից, որը չունի ընդհանուր սահման ԵԱՏՄ որեւէ երկրների հետ, այլ անդամ պետություն՝ հաշվի առնելով նավիգացիոն կնիքներն օգտագործող ապրանքների փոխադրման վերահսկողությունը: Ռուսաստանի եւ Հայաստանի երկկողմ նախագիծը հետաքրքրություն է ներկայացնում ԵԱՏՄ մյուս երկրների համար:

Հուլիսի 10-ին ավելի վաղ կայացած հանդիպման ժամանակ ԵՏՀ խորհուրդը կարգադրել էր ստեղծել հանձնաժողով՝ ԵԱՏՄ տարածքում ապրանքների փոխադրման հետ կապված վեճերը լուծելու համար: Հանձնաժողովը մշակում է «ճանապարհային քարտեզ»` տարաձայնությունները, վիճելի իրավիճակները վերացնելու եւ ԵԱՏՄ տարածքում ապրանքների տեղաշարժի ազատությունն ապահովելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հնարավոր է՝ ԵՏՄ-ում ալկոհոլի վերաբերյալ տեխնիկական կանոնակարգի ուժի մեջ մտնելը հետաձգվի
Ալկոհոլային արտադրանքի անվտանգության վերաբերյալ ԵՏՄ տեխնիկական կանոնակարգը ուժի մեջ է մտնում 2021 թվականի հունվարի 9-ին․․․
ՌԴ ՆԳՆ-ն ԵԱՏՄ երկրների քաղաքացիներին ազգային վարորդական իրավունքներն օգտագործել թույլատրող օրինագիծ է մշակել
Օրինագիծը փոփոխում է «Ճանապարհային անվտանգության մասին» դաշնային օրենքի 25-րդ հոդվածի 13-րդ կետը...
ԵՏՀ Խորհուրդը սկսել է զբաղվել հայկական ավտոմեքենաների հետ կապված խնդրով
«Մասնավորապես, որոշվել է ընդլայնել Միության երկրների մաքսային մարմինների միջեւ տեղեկությունների փոխանակումը...
ԵՏՀ-ն կնեկայացնի ԵԱՏՄ-ում ապրանքի ծագման երկիրը հաստատելու կանոնները
Մենք առանձնահատուկ ուշադրություն ենք դարձնում ապրանքների ծագման երկիրը հաստատելու կանոնների ստեղծմանը եւ պետական գնումների նպատակով եվրասիական արդյունաբերական արտադրանքի գրանցամատյանի վարմանը․․․
Փոխվարչապետ Մհեր Գրիգորյանը մասնակցել է Եվրասիական տնտեսական հանձնաժողովի խորհրդի հերթական նիստին
Օրակարգում ընդգրկված էր նաև Եվրասիական տնտեսական միության տարածքում փոխադարձ առևտրի ապրանքաշրջանառության ֆիսկալ մշտադիտարկման համակարգի...
Տիգրան Սարգսյան. Հայաստանի, Ռուսաստանի եւ Ղրղզստանի քաղաքացիների համար տեղաշարժի պայմանները կարող են մեղմվել