Մինսկում շարունակվում են բողոքի ակցիաները: Ուժայինները լուսաձայնային նռնակներ են կիրառել ցուցարարներին ցրելու համար, հաղորդում է ՏԱՍՍ-ը:
Ակցիային մասնակցում է մոտ 500 մարդ, հիմնականում՝ երիտասարդությունը:
Ոստիկանությունը ձերբակալություններ է սկսել: Պուշկինի պողոտայի եւ Պոնոմարենկոյի փողոցի խաչմերուկում երիտասարդները փորձել են բարիկադներ կառուցել:
Բելառուսում նախագահական ընտրությունների արդյունքների դեմ ցույցեր են սկսվել երեքշաբթի: Չարտոնված ակցիայի վայր են մեկնել ՕՄՕՆ-ի ուժերը, որոնց հաջողվել է ամբողջությամբ հսկել իրավիճակը:
BBC-ի ռուսական ծառայությունը նշում է, որ այսօրվա ցույցերը խիստ տարբերվում են երեկվա ցույցերից: Երեկ 3հիմնական կետեր են եղել, որտեղ հավաքվել են ցուցարարները: Այսօր միասնական կետ չկա, մարդիկ հավաքվել են ոչ մեծ խմբերով: