News
Լրահոս
News
Չորեքշաբթի
Սեպտեմբեր 23
USD
485.29
EUR
569.58
RUB
6.39
ME-USD
0.01
Տեսնել լրահոսը

Մինսկում մի խումբ առանց տարբերիչ նշանների տղամարդիկ հարձակվել են BBC-ի ռուսական ծառայության լրագրողների վրա, հայտնում է ՏԱՍՍ-ը:

«Առանց տարբերիչ նշանների սեւ համազգեստով մի խումբ տղամարդիկ մոտեցել են լրագրողներին, նրանցից մեկը հավատարմագրեր է պահանջել, ինչից հետո պոկել է քարտը թղթակցի պարանոցից, խլել ձեռքից տեսախցիկը եւ փորձել է կոտրել այն»,- նշվում է պարբերականի տեքստում:

Ինչպես տեղեկացրել են BBC-ի ռուսական ծառայությունից, լրագրողները չեն ձերբակալվել:

«Բոլոր երեք լրագրողներն ունեին Բելառուսի Արտաքին գործերի նախարարության կողմից տրված հավատարմագրեր, բոլորը եղել են տարբերիչ բաճկոնակներով եւ վկայագրերով»,- հավելել են պարբերականում:

Նշվում է, որ երկու տղամարդ սկսել է ծեծի ենթարկել օպերատորին եւ հարվածել նրա տեսախցիկին, երբ վերջինս խնդրել է վերդարձնել հավատարմագրման քարտը:

Կիրակի օրը Բելառուսում նախագահական ընտրություններ են անցկացվել: Օգոստոսի 9-ին էքզիթփոլերի արդյունքների հայտարարումից հետո Մինսկում եւ հանրապետության այլ քաղաքներում, ինչպես նաեւ արտերկրում Բելառուսի դիվանագիտական ​​ներկայացուցչությունների դիմաց բողոքի ցույցեր սկսվեցին, որոնք վերաճեցին բախումների իրավապահ մարմինների ներկայացուցիչների հետ:

 

!
Այս նյութը հասանելի է նաև   Русский
Տպել
Ամենաշատ