ԱՄՆ նախագահ Դոնալդ Թրամփը ներկայացրել է իր փաստարկները նախագահական ընտրություններին իր պարտության դեմ` նշելով, որ եթե իրեն չհաջողվի հաղթել ընտրություններում, ապա ամերիկացիները ստիպված կլինեն չինարեն սովորել, փոխանցում է CNN-ը:
«Չինաստանը կտիրանա Միացյալ Նահանգներին, եթե Դոնալդ Թրամփը պարտվի այս ընտրություններում: Եթե ես չհաղթեմ ընտրություններին, ապա Չինաստանը կտիրանա Միացյալ Նահանգներին: Դուք ստիպված կլինեք չինարեն սովորել»,- ասել է Դոնալդ Թրամփը Հյու Հյուիթին տված հարցազրույցում:
Դոնալդ Թրամփը հայտարարել է, որ Չինաստանի նախագահ Սի Ցզինպինի հետ իր հարաբերությունները վատթարացել են նոր կորոնավիրուսի համավարակի պատճառով, եւ որ նա երկար ժամանակ չի խոսել իր չինացի գործընկերոջ հետ:
