Մինչև ե՞րբ պիտի պատանդ պահեք այս ժողովրդին: Այս մասին այսօր՝ օգոստոսի 12-ին, Կառավարության շենքի դիմաց ասաց փակ սահմանների դեմ բողոքի ակցիա իրականացնող քաղաքացիներից մեկը՝ դիմելով Հայաստանի Արտաքին գործերի նախարար Զոհրաբ Մնացականյանին:
«Ամբողջ աշխարհի սահմանները բաց են, իսկ մենք դեռ երկարացնում ենք արտակարգ դրությունը»,- բողոքեց քաղաքացին:
Զոհրաբ Մնացականյանը հիշեցրեց ակցիայի մասնակիցներին, որ համավարակով է պայմանավորված երկրում ստեղծված անհարմարությունները:
Լիբանանահայ ցւցարարը դիմեց նախարար Մնացականյանին՝ ասելով, որ իր աղջիկը Լիբանանի քաղաքացի է, որին ինքը մեկ տարիչ չի տեսել։
«Ինքը հնարավորություն ունի գալ Հայաստան, քանի որ դուք Հայաստանի քաղաքացի եք և Հայաստանում եք: Այդ ամենը շատ պարզ եղել է այս շրջանում: Վերջին 3 օրվա ընթացքում Լիբանանից 3 օդանավ է եկել Հայաստան, ընդամենը 100 հոգի է եկել այդ օդանավով: Մենք այդ հնարավորությունը ստեղծել ենք: Հիմա մենք շարունակելու ենք այդ քաղաքականությունը: Ձեր աղջիկը պետք է դիմի Հայաստանի դեսպանատուն, որպեսզի կարողանա վերադառնալ Հայաստան: Այսինքն՝ պարզ հարցեր են, որոնք դուք կարող եք ճշտել, հետո նոր իմ վրա գոռալ»,– ասաց ԱԳ նախարար Զոհրաբ Մնացականյանը:
